શરણાર્થી તંબુ કેમ્પમાં વિનાશ અંગે ઇઝરાયેલની સ્પષ્ટતા
ઇઝરાયેલની રાષ્ટ્રીય સુરક્ષા પરિષદના વડા કહે છે કે હમાસને ખતમ કરવા માટે ગાઝામાં ‘આગામી સાત મહિના સુધી લડાઈ ચાલુ રહી શકે છે’
હમાસના બે કુખ્યાત આતંકવાદીઓને નિશાન બનાવાયા, સેટેલાઇટ ફોટા સામે આવ્યા
નવી દિલ્હી,ઇઝરાયલ અને હમાસ વચ્ચેના યુદ્ધની વચ્ચે વિશ્વની નજર દક્ષિણ ગાઝા પટ્ટીમાં આવેલા રાફા શહેરની તબાહી પર છે. તાજેતરમાં, શરણાર્થી શિબિર પર થયેલા હુમલા માટે ઘણા દેશો દ્વારા ઇઝરાયેલની ટીકા કરવામાં આવી હતી. બાદમાં ઈઝરાયેલના પીએમ નેતન્યાહુએ સંસદમાં તેને ‘દુઃખદ ભૂલ’ ગણાવી હતી. રફાહ પર ઈઝરાયેલના હવાઈ હુમલા પછીના દ્રશ્યો સેટેલાઈટ ફોટામાં જોઈ શકાય છે.બુધવારે મેક્સર ટેન્કોલોજીસ દ્વારા જારી કરાયેલી સેટેલાઇટ તસવીરોમાં ઇઝરાયલી હવાઇ હુમલા પહેલા અને પછી રફાહ જોઇ શકાય છે.
રવિવારે ૨૬ મેના રોજ થયેલા આ હુમલામાં એક શરણાર્થી શિબિરમાં આગ લાગી હતી જેમાં ૪૫ લોકો માર્યા ગયા હતા. ઈઝરાયેલે કહ્યું કે તેણે એક કમ્પાઉન્ડમાં બે કુખ્યાત હમાસ આતંકવાદીઓને નિશાન બનાવ્યા હતા અને નાગરિકોને નુકસાન પહોંચાડવાનો કોઈ ઈરાદો નહોતો.ઈઝરાયેલના હુમલામાં માર્યા ગયેલા લોકોમાં મોટાભાગના બાળકો અને મહિલાઓ હતા. Maxar Technologies એ Kerem Shalom બોર્ડર ક્રોસિંગના ફોટા પણ બહાર પાડ્યા હતા, જ્યાં શુક્રવારે ૨૪ મેના રોજ ઇજિપ્તે યુએન દ્વારા પ્રદાન કરાયેલ માનવતાવાદી સહાયને અસ્થાયી રૂપે ગાઝામાં પ્રવેશ આપવા માટે પ્રતિબદ્ધતા દર્શાવી હતી.
બીબીસીના અહેવાલ મુજબ, ઈઝરાયેલી સેનાનો દાવો છે કે તેણે ગાઝા અને ઈજિપ્તની સરહદ પરના એક વ્યૂહાત્મક વિસ્તાર પર નિયંત્રણ મેળવી લીધું છે, જેને ‘ફિલાડેલ્ફિયા કોરિડોર’ તરીકે ઓળખવામાં આવે છે. ઈઝરાયલ ડિફેન્સ ફોર્સના પ્રવક્તાએ જણાવ્યું હતું કે હમાસ દ્વારા ગાઝામાં હથિયારોની દાણચોરી કરવા માટે ઉપયોગમાં લેવાતી લગભગ ૨૦ ટનલ મળી આવી છે.આ દાવાઓને નકારી કાઢતાં એક ઇજિપ્તની ટીવી ચેનલે સૂત્રોને ટાંકીને જણાવ્યું હતું કે ઇઝરાયેલ રફાહમાં તેના સૈન્ય કાર્યવાહીને યોગ્ય ઠેરવવાનો પ્રયાસ કરી રહ્યું છે. ઇજિપ્તે અગાઉ કહ્યું હતું કે તેણે સરહદ પારની સુરંગોને નષ્ટ કરી દીધી છે, જેમાં કોઈપણ શસ્ત્રોની દાણચોરીની સંભાવનાને દૂર કરી દેવામાં આવી છે.
જોકે, આ પહેલીવાર નથી જ્યારે ઈઝરાયલે કોઈ શરણાર્થી કેમ્પને નિશાન બનાવ્યું હોય. ૨૪ મેના રોજ, ઇઝરાયેલની સેનાએ ખાન યુનિસ નજીકના તંબુઓ અને શરણાર્થી શિબિરો પર પણ બોમ્બમારો કર્યો હતો. ગાઝામાં પેલેસ્ટિનિયન સિવિલ ડિફેન્સ અને રફાહમાં કુવૈત હોસ્પિટલના જણાવ્યા અનુસાર, ૨ મેના રોજ દક્ષિણ ગાઝા સિટીમાં અલ-શબૌરા શરણાર્થી શિબિર પર ઇઝરાયેલના હવાઈ હુમલામાં બે બાળકો માર્યા ગયા અને અન્ય ઘણા લોકો ઘાયલ થયા.સીએનએન અનુસાર, ઇઝરાયેલની રાષ્ટ્રીય સુરક્ષા પરિષદના વડા કહે છે કે હમાસને ખતમ કરવા માટે ગાઝામાં ‘આગામી સાત મહિના સુધી લડાઈ ચાલુ રહી શકે છે’. ત્ઝાચી હનેગ્બીએ બુધવારે ઇઝરાયેલી સ્ટેશન રેશેટ બેટ પર રેડિયો ઇન્ટરવ્યુમાં કહ્યું, ‘કેબિનેટ સમક્ષ યોજનાઓ રજૂ કરવાના શરૂઆતના દિવસોમાં એવું કહેવામાં આવ્યું હતું કે યુદ્ધ લાંબું ચાલશે.’ઈઝરાયેલના રાષ્ટ્રીય સુરક્ષા સલાહકાર ઝાચીએ કહ્યું કે ઈઝરાયેલની યુદ્ધ કેબિનેટે વર્ષ ૨૦૨૪ને ‘યુદ્ધનું વર્ષ’ જાહેર કર્યું છે. ઈઝરાયેલના અધિકારીની આ ચેતવણી એ અટકળોને નકારી કાઢે છે કે રફાહ પર હવાઈ હુમલા બાદ ઈઝરાયેલ તેના હુમલા બંધ કરી શકે છે.ss1
