સોનમે ૧૮ વર્ષની ઉંમરે લગ્ન કર્યા હતા

મુંબઈ, સની દેઓલ-જેકી શ્રોફ સાથેની બ્લોકબસ્ટર ફિલ્મ ત્રિદેવથી જાણીતી બનેલી એક્ટ્રેસ સોનમે ટૂંકી કારકિર્દીમાં સંખ્યાબંધ હિટ ફિલ્મો આપી હતી. સોનમને ફિલ્મોમાં લોન્ચ કરવાનું શ્રેય યશ ચોપરાને મળે છે. સોનમની પહેલી ફિલ્મ વિજય હતી, જેમાં ઋષિ કપૂરનો લીડ રોલ હતો. સોનમે ૧૯૯૧માં ‘ત્રિદેવ’ના ડાયરેક્ટર રાજીવ રાય સાથે લગ્ન કર્યા હતા. લગ્ન બાદ નવી ફિલ્મ લીધી ન હતી.

હાથ પરની ફિલ્મો પૂરી કર્યા બાદ સોનમની છેલ્લી ફિલ્મ ૧૯૯૪માં રિલીઝ થઈ હતી. ત્રણ દાયકા બાદ સોનમ એક્ટિંગમાં કમબેક કરવા માગે છે અને હવે તેને લગ્ન બાદ ફિલ્મોથી દૂર રહેવાના નિર્ણય બદલ પસ્તાવો થઈ રહ્યો છે. સોનમે કહ્યું હતું કે, યશ ચોપરાએ લગ્ન નહીં કરવા સમજાવી હતી, પરંતુ હું માની નહીં. સોનમે ૧૮ વર્ષની ઉંમરે લગ્ન કર્યા હતા અને ૨૧ વર્ષે દીકરાને જન્મ આપ્યો હતો.

વિવિધ દેશમાં ફર્યા બાદ સોનમ હવે ભારત પાછી ફરી છે. દરેક યુવતી માટે સોનમની સલાહ છે કે, પતિ ભલે અબજોપતિ હોય, પરંતુ મહિલાએ પોતાના કામ અને ઓળખનો ત્યાગ કરવો જોઈએ નહીં.SS1MS