ભુજ-દિલ્હી સરાય રોહિલ્લા દ્વિ-સાપ્તાહિક એક્સપ્રેસ ટ્રેનનો પ્રારંભ
ધારાસભ્ય શ્રી કેશુભાઈ શિવદાસ પટેલ ભુજ રેલ્વે સ્ટેશનથી અને ધારાસભ્ય શ્રીમતી માલતીબેન મહેશ્વરી દ્વારા ગાંધીધામ સ્ટેશન થી 02 ઓગસ્ટ 2024 ના રોજ ભુજ-દિલ્હી સરાય રોહિલા દ્વિ-સાપ્તાહિક સુપરફાસ્ટ એક્સપ્રેસ ટ્રેનને લીલી ઝંડી આપી પ્રારંભ કરી હતી. આ ટ્રેનની વિગતો નીચે મુજબ છે.
ટ્રેન નંબર 20983 ભુજ-દિલ્હી સરાય રોહિલ્લા સુપરફાસ્ટ એક્સપ્રેસ 2 ઓગસ્ટ 2024 થી દર મંગળવાર અને શુક્રવારે ભુજથી 17:00 કલાકે ઉપડશે અને બીજા દિવસે 12:20 કલાકે દિલ્હી સરાય રોહિલ્લા પહોંચશે. તેવી જ રીતે, ટ્રેન નંબર 20984 દિલ્હી સરાય રોહિલ્લા-ભુજ સુપરફાસ્ટ એક્સપ્રેસ 3 ઓગસ્ટ 2024 થી દર બુધવાર અને શનિવારે દિલ્હી સરાય રોહિલ્લાથી 15:00 કલાકે ઉપડશે અને બીજા દિવસે 11:30 કલાકે ભુજ પહોંચશે.
રૂટ પર બંને દિશામાં આ ટ્રેન અંજાર, ગાંધીધામ, ભચાઉ, ભાભર, ભીલડી, પાલનપુર, આબુ રોડ, ફાલના, મારવાડ જંક્શન, બ્યાવર, અજમેર, કિશનગઢ, જયપુર, અલવર, રેવાડી, ગુડગાંવ અને દિલ્હી કેન્ટ સ્ટેશનો પર ઉભી રહેશે. આ ટ્રેનમાં ફર્સ્ટ એસી, સેકન્ડ એસી, થર્ડ એસી, સ્લીપર અને જનરલ ક્લાસ કોચ હશે.
