નક્સલવાદીઓનો ૨૦૨૬ સુધીમાં સફાયો થઈ જશેઃ અમિત શાહ
(એજન્સી)નવી દિલ્હી, કેન્દ્રીય ગૃહ પ્રધાન અમિત શાહ શુક્રવારે તેમના નિવાસસ્થાને છત્તીસગઢમાં નક્સલી હિંસાના પીડિતોને મળ્યા હતા. બસ્તર શાંતિ સમિતિ વતી ૫૫ હિંસા પીડિતો અહીં પહોંચ્યા હતા. બધાએ પોતપોતાની પીડા કહી. આ મીટિંગ બાદ અમિત શાહે પોતાના સોશિયલ મીડિયા હેન્ડલ ઠ પર બસ્તર પીસ કમિટી બેનર હેઠળ બનેલી એક ડોક્યુમેન્ટ્રી પણ શેર કરી હતી.
ડોક્યુમેન્ટરી શેર કરતી વખતે, કેન્દ્રીય ગૃહ મંત્રીએ લખ્યું – “દરેક વ્યક્તિએ આ ડોક્યુમેન્ટરી જોવી જોઈએ જે નક્સલી હુમલાથી પ્રભાવિત લોકોની અનંત વેદના અને પીડાને વર્ણવે છે.” આમાં સમગ્ર વિસ્તારની પીડા અનુભવી શકાય છે. નક્સલવાદના ડંખપસુનો નક્સલ હમારી બાતપનો અવાજ બુલંદ કરતી આ ડોક્યુમેન્ટરી શેર કરતી વખતે અમિત શાહે માનવાધિકારનો અવાજ ઉઠાવનારાઓને પણ નિશાન બનાવ્યા હતા.
તેમણે લખ્યું- “માનવતાના દુશ્મન નક્સલવાદે આ લોકોનું જીવન કેવી રીતે બરબાદ કર્યું. તેમની વ્યથા માનવ અધિકારો વિશે એકતરફી અવાજ ઉઠાવનારાઓના દંભને પણ દર્શાવે છે. આ સાથે કેન્દ્રીય ગૃહમંત્રી અમિત શાહે નક્સલવાદીઓને આત્મસમર્પણ કરવાની અપીલ કરી હતી. તેમણે કહ્યું કે નક્સલવાદીઓએ હિંસાનો માર્ગ છોડીને મુખ્ય પ્રવાહમાં જોડાવું જોઈએ.
તેમણે કહ્યું કે પીએમ મોદીની સરકાર બસ્તરના ૪ જિલ્લાઓને છોડીને સમગ્ર દેશમાં નક્સલવાદને ખતમ કરવામાં સફળ રહી છે. આ સાથે તેમણે કહ્યું કે ૩૧ માર્ચ, ૨૦૨૬ સુધીમાં દેશમાંથી નક્સલવાદને સંપૂર્ણ રીતે ખતમ કરી દેવામાં આવશે.
