તૃપ્તિ ડિમરી ‘મેરે મહેબૂબ’ના ડાન્સ માટે ટ્રોલ થઈ
મુંબઈ, તૃપ્તિ ડિમરીને સોશિયલ મીડિયા પર ટ્રોલિંગનો સામનો કરવો પડી રહ્યો છે. ‘વિકી ઔર વિદ્યા કા વો વાલા વીડિયો’ફિલ્મમાં એક આઈટમ સોંગ છે, જેમાં તૃપ્તિ સાથે રાજકુમાર રાવ પણ છે. આ સોંગ ગણેશ આચાર્ય દ્વારા કોરિયોગ્રાફ કરવામાં આવ્યું છે.
પરંતુ આ ગીતમાં નેટીઝન્સને કોઈ મજા આવી નથી. આ ગીતના એક ભાગમાં તૃપ્તિ જમીન પર સૂતેલી છે અને છાતીના ભાગથી ઊંચાં થતાં પહેલાં તે એક પગને ગોળ ફેરવે છે. આ એક ચોક્કસ એક્શનના કારણે તૃપ્તિ અને ગણેશ આચાર્ય બંનેને ટીકાનો સામનો કરવો પડ્યો છે.
સોશિયલ મીડિયા પર લોકોએ આ એક્શનને ‘હ્યુમિલિએટિંગ’ ગણાવી છે. લોકોએ કહ્યું કે તૃપ્તિ આ એક્શન કરતી વખતે જરા પણ કમ્ફર્ટેબલ લાગતી નહોતી. તેના બદલે તેની પાસે કોઈ બીજી એક્શન પણ કરાવી શકાઈ હોત. જ્યારે કેટલાંકે આને નબળી કોરિયોગ્રાફી ગણાવી હતી. રાજ શાંડિલ્યએ ડિરેક્ટ કરેલી આ ફિલ્મમાં તૃપ્તિ અને રાજકુમાર પહેલી વખત એકસાથે કામ કરી રહ્યાં છે.
૯૦ના દાયકાની વાર્તા કહેતી આ ફિલ્મનું ટ્રેલર થોડાં વખત પહેલાં જ રિલીઝ થયું છે. જેમાં આ ફિલ્મને ’૯૭ ટકા પારિવારીક અને ૩ ટકા મહાપારિવારિક ફિલ્મ’ ગણાવાઈ છે. જેમાં કપલની ઇન્ટિમેટ વીડિયોની સીડી સાથે તેમનું વીડિયો પ્લેયર ચોરાઈ જાય છે, પાછળથી આ વીડિયો પ્લેયર તો મળે છે પરંતુ તેમની સીડી ગાયબ થઈ ગઈ હોય છે. આ સ્થિતિ અનેક કોમેડી સ્થિતિ અને કેઓસ સર્જે છે.
તૃપ્તિએ છેલ્લે વિકી કૌશલ અને એમિ વિર્ક સાથે ‘બૅડ ન્યૂઝ’ કરી હતી, જ્યારે રાજકુમારે છેલ્લે ‘સ્ત્રી ૨’ જેવી હિટ ફિલ્મ આપી છે. હવે તેમની આ ફિલ્મ ૧૧ ઓક્ટોબરે રિલીઝ થઈ રહી છે.SS1MS
