‘સિંઘ ઇઝ કિંગ’માં અક્ષય કુમારનું સ્થાન રણવીર સિંહ લેશે

મુંબઈ, અક્ષય કુમારની ‘સિંઘ ઇઝ કિંગ’ લોકપ્રિય તો ઘણી થઈ હતી, પરંતુ ખાસ ચાલી નહોતી. આ ફિલ્મના પ્રોડ્યુસર શૈલેન્દ્ર સિંઘે જ અક્ષયને સિંઘ ઇઝ કિંગનું ટાઈટલ ગિફ્ટ તરીકે પણ આપ્યું હતું. હવે આ ફિલ્મના કા-પ્રોડ્યુસર વિપુલ શાહ ફરી વખત આ ફિલ્મની સિક્વલ બનાવવાનું આયોજન કરી રહ્યા હોવાનું મીડિયા અહેવાલોમાં બહાર આવ્યું છે.

તેમણે આ ફિલ્મ માટેનું કામ શરૂ કરી દીધું છે અને એક રોમેન્ટિક કોમેડી સ્ક્રિપ્ટને આ ફિલ્મની ફ્રન્ચાઈઝી તરીકે રિલીઝ કરવાનો નિર્ણય લીધો છે.

આ ફિલ્મ આવતા વર્ષે રિલીઝ થશે. પરંતુ ફિલ્મ અંગે એક નિઃરાશાજનક ખબર એ છે કે પ્રોડ્યુસર નથી ઇચ્છતા કે તેઓ બીજા ભાગમાં અક્ષય કુમારને લેવા ઇચ્છતા નથી. આ અહેવાલો મુજબ શૈલેન્દ્રસિંઘે કન્ફર્મ કર્યું છે કે તેમને આ ટાઇટલ પાછું મેળવતાં ૧૨ વર્ષ થયા છે.

હવે આખરે તેમને ટાઇટલ મળી ગયું છે તો તેઓ આ ફિલ્મને પાછી લાવવામાં કોઈ વિલંબ કરવા માગતા નથી.તેમણે જણાવ્યું કે આવતા વર્ષ સુધીમાં ફિલ્મનું શૂટિંગ શરૂ થઈ જશે.

શૈલેન્દ્ર સિંઘે કહ્યું,“મેં અક્ષય કુમારને આ ટાઇટલ ગિફ્ટ કર્યું હતું, કારણ કે તેઓ આ ફિલ્મનો બીજો ભાગ બનાવવા માગતા હતા પરંતુ મારે સિક્વલ બનાવવી હતી, તેથી મેં તેમને આ ટાઇટલ પાછું આપવા કહ્યું. વિપુલ અને અક્ષયની ફરતે ૧૨ વર્ષ સુધી ફર્યા પછી અંતે મને ટાઇટલ પાછું મળ્યું છે.

મેં સિક્વલ માટેની પ્રક્રિયા શરૂ કરી દિધી છે. ઓક્ટોબર ૨૦૨૫થી હું પ્રોડક્શન શરૂ કરી દઈશ જેથી હું ૨૦૨૬માં ફિલ્મ રિલીઝ કરી શકું.”આ અહેવાલો અનુસાર પ્રોડ્યુસરની એવી ઇચ્છા હતી કે તેઓ આ ફિલ્મમાં હેપ્પી સિંઘ – હિરોને કોહીનૂર ભારતમાં પાછો લાવવાના મિશન પર મોકલવા માગતા હતા, પરંતુ આ સ્ટોરીમાં બહુ મજા આવી નહીં. હવે તો તેમણે હિરો જ બદલી નાખવાનો નિર્ણય લીધો છે.

તેમણે કહ્યું,“હાલ સિક્વલ્સ અને રિમેક્સનો જમાનો છે, તેથી મારે બીજો ભાગ બનાવવો છે. એનું નામ શું હશે તે હજુ નક્કી થયું નથી. જોકે હવે ફિલ્મના હિરોનું નામ હેપ્પી સિંઘ નહીં હોય. અમે એક નવું પાત્ર લખી રહ્યા છીએ. તેના માટે મારી પહેલી પસંદગી રણવીર સિંહ છે. અમે તેમના મેનેજરનો સંપર્ક કર્યાે છે. આ ઉપરાંત રણવીરે ક્યારેય સરદારનો રોલ કર્યાે નથી અને તેનું વ્યક્તિત્વ પણ આ રોલ માટે યોગ્ય છે.”

જોકે, રણવીરને ૨૦૧૭માં પણ આ ફિલ્મની ઓફર થઈ હતી, પરંતુ ત્યારે પણ બધું સરખું ગોઠવાયું નહીં. રણવીર પહેલી પસંદ છે, પરંતુ જો એ નહીં માને તો તેમની બીજી પસંદ દિલજિત દોસાંજ હશે.SS1MS