અક્ષય ૨૦૨૫માં મોટા પડદે છવાયેલો રહેશે

મુંબઈ, અક્ષય કુમારની ફિલ્મો ચાલે કે ન ચાલે પણ તેને સતત કામ મળતું રહે છે અને તેની ફિલ્મો એક પછી એક રિલીઝ થતી રહે છે, તે હકીકત છે. તેણે એક પછી એક ફિલ્મો શૂટ કરી છે, જે હવે એક પછી એક રિલીઝ થશે. ૨૦૨૫માં તેની ૩ ફિલ્મોની સીક્વલ આવી રહી છે, ૨ નવી ફિલ્મો આવશે, તેમજ તે ફરી એક વખત એક હોરર ફિલ્મમાં પણ જોવા મળશે.

અક્ષયની ફિલ્મ ‘સ્કાય ફોર્સ’ની અનાઉન્સમેન્ટ ૨૦૨૩માં થઈ હતી. આ ફિલ્મ હવે ૨૪ જાન્યુઆરી, ૨૦૨૫ના રોજ મોટા પડદે રિલીઝ થશે. પહેલાં આ ફિલ્મ ૨ ઓક્ટોબર ૨૦૨૪માં રિલીઝ થવાની હતી, પરંતુ તેની રિલીઝ પાછી ખેંચાઈ હતી. આ સિવાય એક ફિલ્મ છે, ‘વેલકમ ટુ જંગલ’.

આ ફિલ્મમાં અક્ષય સાથે દિશા પટ્ટણી, જેકલિન ફર્નાન્ડિઝ, રવિના ટંડન, સંજય દત્ત, પરેશ રાવલ, લારા દત્તા, સુનિલ શેટ્ટી, અનિલ કપૂર, તુષાર કપૂર, અર્શદ વારસી, શ્રેયસ તળપદે, બોબી દેઓલ, રાજપાલ યાદવ સહીતના કલાકારોની મસમોટી સ્ટાર કાસ્ટ છે.

ત્યાર બાદ અક્ષયની ‘શંકરા’ આવી રહી છે, જેમાં તેની સાથે આર માધવન અને અનન્યા પાંડે પણ જોવા મળશે. આ પીરિયડ ડ્રામા ફિલ્મ ૧૪ માર્ચ, ૨૦૨૫ના રોજ રિલીઝ થશે. અક્ષયની વધુ એક સીક્વલ ‘હાઉસફુલ’ પણ આવતા વર્ષે રિલીઝ થઈ રહી છે. સાજીદ નડિયાદવાલાની આ ફિલ્મ ૬ જૂન, ૨૦૨૫ના રોજ રિલીઝ થવાની છે.‘

ભુલભુલૈયા’ બાદ ફરી એક વખત અક્ષય પ્રિયદર્શન સાથે હોરર ફિલ્મ ‘ભૂતબંગલા’ પર કામ કરી રહ્યો છે. આ ફિલ્મની અક્ષયકુમારના જન્મ દિવસે જાહેરાત કરવામાં આવી હતી.

આ સિવાયની અક્ષયની વધુ એક સીક્વલ ‘જોલી એલેલબી ૩’ આવી રહી છે. જેમાં અક્ષયની સાથે અર્શદ વારસી પણ લીડ રોલમાં જોવા મળશે. આ ફિલ્મની જાહેરાત આ વર્ષની શરૂઆતમાં થઈ હતી. આમ, જાન્યુઆરીથી શરૂ કરીને વર્ષના અંત સુધી સમયાંતરે અક્ષયની ફિલ્મો આવતી રહેશે.SS1MS