“ભાગમ ભાગ ૨” તૈયારી શરૂઃ અક્ષય-ગોવિંદા ૧૮ વર્ષે ભેગા થશે

મુંબઈ, ઓડિયન્સના મગજને સસ્પેન્સ કે થ્રિલરનો થાક લગાડ્યા વગર પેટ પકડીને હસાવતી કોમેડી ફિલ્મોનો દોર ફરી આવી રહ્યો છે. ગોવિંદા, અક્ષય કુમાર અને પરેશ રાવલના લીડ રોલ ધરાવતી ‘ભાગમ ભાગ’ને કલ્ટ કોમેડી ગણવામાં આવે છે.

૨૦૦૬માં રિલીઝ થયેલી આ ફિલ્મની સીક્વલ બનાવવાની તજવીજ શરૂ થઈ છે, જેના કારણે ૧૮ વર્ષના લાંબા બ્રેક પછી અક્ષય કુમાર અને ગોવિંદા સાથે કામ કરતા જોવા મળશે. ‘ભાગમ ભાગ’ની રિલીઝ થઈ તે સમયે સોશિયલ મીડિયાનો દબદબો શરૂ થયેલો ન હતો.

સોશિયલ મીડિયા પર બહુ ઝડપથી ટ્રેન્ડ બદલાતા રહે છે ત્યારે ‘ભાગમ ભાગ’ની વીડિયો ક્લિપ સતત વાઈરલ થતી રહે છે. સમય અને સંજોગો અનુસાર આ ફિલ્મની શોટ્‌ર્સ બનવીને શેર કરવાનું આજની પેઢીને પણ ગમે છે. પ્રિયદર્શનના ડાયરેક્શનમાં બનેલી આ ફિલ્મને કોમેડી જોનરમાં અક્ષય કુમારની ‘હેરાફેરી’ અને ‘વેલકમ’ સમકક્ષ ગણવામાં આવે છે.

‘હેરાફેરી’ અને ‘વેલકમ’ની સીક્વલ્સ બનેલી છે અને હજુ બનવાની છે. ‘ભાગમ ભાગ’ની સીક્વલ હજુ બની નથી. આ ફિલ્મના રાઈટ્‌સ શેમારૂ એન્ટરટેઈનમેન્ટ પાસે છે. સરિતા અશ્વિન વર્દેએ આ રાઈટ્‌સ ખરીદી લીધા છે અને સ્ક્રિપ્ટનું કામ હાલ ચાલી રહ્યું છે.

રોરિંગ રિવર પ્રોડક્શન્સ અને શેમારૂ એન્ટરટેઈનમેન્ટ ભેગા થઈને ‘ભાગમ ભાગ ૨’ બનાવવાના છે. સરિતા વર્દેના પતિ અશ્વિન વર્દે અગાઉ બોસ, મુબારકન, કબીરસિંગ, ઓહ માય ગોડ ૨ અને ખેલ ખેલ મેં જેવી ફિલ્મો બનાવી ચૂક્યા છે. ફિલ્મની સ્ક્રિપ્ટ જાન્યુઆરી સુધીમાં ફાઈનલ થઈ જશે.

જૂન ૨૦૨૫ આસપાસ ફિલ્મને ફ્લોર પર લઈ જવાનું આયોજન છે. ‘ભાગમ ભાગ’ કરતાં પણ વધારે રમૂજ અને ધમાલ સાથે સીક્વલને રિલીઝ કરવાનો ઈરાદો પ્રોડ્યુસર્સે જાહેર કર્યાે છે. અક્ષય કુમાર અને ગોવિંદાની સાથે પરેશ રાવલને પણ લીડમાં યથાવત રખાય તેવી શક્યતા છે. સીક્વલને પ્રિયદર્શન ડાયરેક્ટ કરશે કે નહીં તે અંગે હજુ સ્પષ્ટતા થઈ નથી.SS1MS