કાર્તિક અને કરણ વચ્ચે દોસ્તાના તૂ મેરી મેં તેરા, મેં તેરા તૂ મેરી

મુંબઈ, કાર્તિક આર્યને પોતાના ફૅન્સની દિવાળી તો ઉજવી જ નાંખી, હવે તેણે ક્રિસમસ પર પોતાના ફેન્સને નવી સરપ્રાઇઝ આપી છે. તેણે કરણ જોહર સાથે પોતાની નવી રોન્ટિક કોમેન્ટિક ફિલ્મ ‘તુ મેરી મેં તેરા, મેં તેરા તું મેરી’ની જાહેરાત કરી છે.

ધર્મા પ્રોડક્શન્સની આ ફિલ્મ સમીર વિદ્વાન્સ દ્વારા ડિરેક્ટ કરવામાં આવશે. કાર્તિકે રોમેન્ટિક કોમેડી ફિલ્મો દ્વારા જ બોલિવૂડમાં એન્ટ્રી કરી હતી અને પોતાનું સ્થાન બનાવ્યું હતું.

હવે ફરી એક વખત કાર્તિક આ જોનરમાં પાછો ફરી રહ્યો છે. પહેલાં કરણ જોહરે કાર્તિકને ‘દોસ્તાના ૨’ માટે કાસ્ટ કર્યાે હતો અને પછી બંને વચ્ચે ખટરાગ થતાં કરણે કાર્તિકને ફિલ્મમાંથી કાઢી નાખ્યો હતો અને તેમની આ બબાલ ઘણી ચર્ચામાં રહી હતી. અંતે આ ફિલ્મ પણ બની શકી નહીં.

પરંતુ હવે કાર્તિક અને કરણે પોતાના પ્રશ્નો એક તરફ મુકી દિધાં છે. તેમની આ નવી શરૂઆત અને નવા પ્રોમિસે લોકોને આશ્ચર્યમાં મુકી દીધાં હતાં. કાર્તિક આર્યન અને કરણ જોહરે ઇન્સ્ટાગ્રામ પર આ ફિલ્મનો પહેલો પ્રોમો જાહેર કર્યાે હતો. જેમાં ફિલ્મના લીડ કેરેક્ટર રાયની પણ ઝલક મળે છે.

રાય એક મમાઝ બોય છે, જેના ઘણા બ્રેક અપ થઈ ચૂક્યા છે. હવે તે પોતાની ચોથી ગર્લળેન્ડને કોઈ પણ ભોગે ન જવા દેવાના મિશન પર છે. કરણ જોહરે પણ આ પ્રોમો ક્રિસમસ ગિફ્ટ તરીકે શેર કર્યાે હતો.SS1MS