ચીનની અવળચંડાઇઃ સરહદ પાસેની આઉટપોસ્ટ પર વીજ સપ્લાય વધાર્યો

નવી દિલ્હી, ભારત અને ચીન વચ્ચે કેટલાક વર્ષાે પછી સંબંધો ફરીથી સુધરવાની આશા જાગી હતી. પરંતુ ફરીથી ચીનની અવળચંડાઇ જોવા મળી રહી છે, અને હવે ચીને સરહદની પાસે નવો ખેલ શરૂ કરી દીધો છે. પીપલ્સ લિબરેશન આર્મી(ચીનની સેના)એ ઉચ્ચ ઊંચાઇ વાળા ક્ષેત્રો સહિત કઠિન પરિસ્થિતિઓ વાળા વિસ્તારોમાં સરહદ પાસેની ચોકીઓ સુધી વીજળી સપ્લાય વધારી દીધો છે.

પીએલએ ડેઇલીએ જણાવ્યું હતું કે ઝિંજિયાંગ ઉઇગર સ્વાયત્ત ક્ષેત્રના જેદુલ્લા અને તિબ્બેટ સ્વાયત્ત ક્ષેત્રના ન્ગારી પ્રાંતમાં સરહદી ચોકીઓને ચીન-ભારત સરહદ પર વ્યૂહાત્મક ક્ષેત્રની સંપૂર્ણપણે રાષ્ટ્રીય વીજળી ગ્રિડથી કવર કરાઇ હતી.

બોર્ડરના આઉટપોસ્ટ્‌સ પર વીજળી સપ્લાય વધારીને ચીને પોતાના ઈન્ળાસ્ટ્રક્ચરને મજબૂત કરવાની કવાયત શરુ કરી દીધી છે. એક રિપોર્ટમાં કહેવામાં આવ્યું છે કે, મોટાભાગની ચોકીઓ (આઉટપોસ્ટ્‌સ) દ્વારા ઉપયોગમાં લેવાતી વીજળી અને નવીકરણીય ઉર્જા સૈનિકોને શિયાળામાં ગરમ અને સુરક્ષિત રહેવામાં મજબૂત સહાય પ્રદાન કરશે.

ચીનના રિપોર્ટમાં દાવો કરાયો છે કે આ નવતર પહેલને લીધે ઉચ્ચ ઊંચાઇ પરની ચોકીઓ પર ફરજ બજાવતા સૈનિકોની લાંબા સમયની સમસ્યાઓનો હલ તશે, જેમાં પીવાના પાણી, હીટિંગ, સ્નાન અને ઓક્સીજન સહિતની સુવિધા મળી શકશે.

ચીન લાંબા સમયથી સરહદ પરના સૈનિકોને સપ્યાલ કરાતા વીજ પુરવઠાને વધુ સારો કરવાનો કોશિશમાં લાગ્યું છે અને આ ચનની રણનીતિનો એક મહત્વપૂર્ણ ભાગ પણ છે. જેના કારણે સૈન્ય અને રાષ્ટ્રીય ઉર્જા વહીવટીતંત્રએ ૨૦૧૬ના અંતમાં સૈન્ય માટે વીજળી ગ્રીડ બનાવવા અને તેને રાષ્ટ્રીય ઉર્જા સેવા નેટવર્ક સાથે જોડવા માટે એક પ્રોજેક્ટ શરુ કર્યાે હતો.

ગત વર્ષે જાન્યુઆરી સુધી ચીને નેશનલ ગ્રીડ સાથે ૭૦૦ ચોકીઓને જોડી હતી. ઉલ્લેખનીય છે કે જેદુલ્લા લગભગ ૩૭૦૦ મીટરની ઊંચાઇ પર અક્સાઇ ચીનની પાસે આવેલું છે, જે ચીન-ભારતની વચ્ચે લાંબા સમયથી ચાલી રહેવા વિવાદનું કેન્દ્ર છે.SS1MS