મનોજ બાજપાઈ અને સાકિબ સલીમ નીરજ ચોપરાની ફિલ્મ માટે શૂટિંગ શરૂ કરશે

મુંબઈ, થોડાં વખત પહેલાં એવા અહેવાલો હતા કે મનોજ બાજપાઈ અને કે કે મેનન નીરજ ચોપરા સાથે ફિલ્મ કરશે. તેનાં પછી મનોજ બાજપાઈએ એક્સ પર આ પ્રકારની કોઈ પણ ફિલ્મનો ભાગ ન હોવાની સ્પષ્ટતા પણ કરી હતી. પરંતુ હવે મનોજ બાજપાઈ આ ફિલ્મમાં મહત્વનો રોલ કરવા જઈ રહ્યા છે. ૧૮ એપ્રિલથી મુંબઈમાં આ ફિલ્મનું શૂટિંગ શરૂ થશે.

હવે આ ફિલ્મની કાસ્ટમાં થોડો ફેરફાર છે. સૂત્રો દ્વારા મળતી માહિતી અનુસાર, “નીરજ પાંડેની આ ફિલ્મનું નામ તો હજુ નક્કી નથી, શરૂઆતમાં આ ફિલ્મમાં મનોજ બાજપાઈ અને કે કે મેનન લીડ રોલ કરવાના હતા.

જોકે, હવે શૂટિંગની તારીખો સાથે કે કે મેનની તારીખોનો મેળ બેઠો નહીં, તેથી તેમણે આ ફિલ્મ જતી કરવી પડી. તેથી હવે આ ફિલ્મમાં સાકીબ સલીમને કાસ્ટ કરવામાં આવ્યો છે. આ ફિલ્મનું લાંબું શૂટિંગ ૧૮ એપ્રિલથી મુંબઈમાં જ શરૂ થશે.”

સૂત્રએ આગળ એવું પણ કહ્યું કે આ થ્રિલર ફિલ્મમાં એક જ શહેરની વાત છે. નીરજ ચોપરાની અન્ય ફિલ્મોની જેમ ફિલ્મ પણ રસપ્રદ અને પ્રભાવશાળી કલાકારો સાથેની ફિલ્મ હશે. સૂત્રએ જણાવ્યું,“આ ફિલ્મને ડિરેક્ટ કરીને રિતેશ શાહ ડેબ્યુ કરશે.

પણ આ ફિલ્મ નીરજ પાંડેની સર્જનાત્મકતાથી ભરપુર હશે. મનોજ બાજપાઈ અને સાકિબ ઉપરાંત આ ફિલ્મમાં અક્ષય ઓબેરોય પણ મહત્વના રોલમાં છે.”મનોજ બાજપાઈ અને નીરજ પાંડે પહેલાં ‘સ્પેશિયલ ૨૬’, ‘ઐય્યારી’ અને ‘નામ શબાના’ જેવી ફિલ્મોમાં કામ કરી ચૂક્યા છે.SS1MS