રશિયામાં પ્રચંડ વિસ્ફોટમાં બે પુલ ધરાશાયી, સાત લોકોનાં મોત

મોસ્કો, પશ્ચિમ રશિયામાં વિસ્ફોટોને કારણે બે પુલ તૂટી પડતા મોટી દુર્ઘટના સર્જાઈ હતી. બે ટ્રેન પાટા પરથી ઉતરી જતાં સાત લોકોના મોત તેમજ ડઝનબંધ લોકો ઘાયલ થયા હતા. આ અકસ્માત યુક્રેનિયન સરહદને અડીને આવેલા વિસ્તારમાં થયો હતો. રશિયન તપાસ સમિતિએ જણાવ્યું હતું કે વિસ્ફોટોને કારણે બંને પુલ તૂટી પડ્યા હતા, પરંતુ વિસ્ફોટની વિગતો આપી નથી.

યુક્રેનિયન સરહદ પર બ્રાયન્સ્ક પ્રદેશમાં એક પેસેન્જર ટ્રેન પર પહેલો પુલ તૂટી પડ્યો હતો, જેના કારણે જાનહાનિ થઈ હતી. થોડા કલાકો પછી કુર્સ્ક પ્રદેશમાં એક પુલ તૂટી પડતાં બીજી ટ્રેન પાટા પરથી ઉતરી ગઈ હતી.

સ્થાનિક કાર્યકારી ગવર્નર એલેક્ઝાન્ડર ખિન્શ્ટેઇને જણાવ્યું હતું કે માલગાડી પાટા પરથી ઉતરી ગઈ હતી.અકસ્માત અંગે, બ્રાયન્સ્કના ગવર્નર એલેક્ઝાન્ડર બોગોમાઝે જણાવ્યું હતું કે રાહત અને બચાવ કામગીરી ચાલુ છે. પીડિતોને શક્ય તેટલી મદદ પૂરી પાડવામાં આવી રહી છે.

તેમણે કહ્યું કે દેશની કટોકટી સેવાઓના કર્મચારીઓ ઘટનાસ્થળે હાજર છે. ઘાયલોને સારવાર માટે હોસ્પિટલોમાં મોકલવામાં આવ્યા છે.સરકારી એજન્સીઓએ અકસ્માત પછી ઘણી તસવીરો શેર કરી છે. આ તસવીરોમાં જોઈ શકાય છે કે ટ્રેનના ઘણા ડબ્બા ક્ષતિગ્રસ્ત થયા છે. પુલનો કાટમાળ ટ્રેનના કોચ પર પડ્યો છે.

બીજા એક વીડિયોમાં જોઈ શકાય છે કે, કેટલાક વાહનો પુલ નીચેથી પસાર થવાના હતા, પરંતુ વાહન ચલાવવાનું ટાળતા ઘણા લોકો બચી ગયા હતા. વિસ્ફોટમાં રશિયાના કબજા હેઠળના ઝાપોરિઝ્ઝિયા પ્રદેશ અને ક્રિમિયા સાથે જોડાયેલો મોસ્કોનો મુખ્ય માર્ગ નાશ પામ્યો છે.SS1MS