અમેરિકામાં હિંસક વિરોધ યથાવત ઠેર-ઠેર આગચંપીના દ્રશ્યો

સેંકડો દેખાવકારોની અટકાયત

નવા ઈમિગ્રેશન કાયદાનો વ્યાપક વિરોધઃ ટ્રમ્પે સૈન્યને મેદાને ઉતાર્યા પછી તોફાનોએ આગ પકડી

લોસ એન્જેલસ,યુએસ પ્રમુખ ટ્રમ્પે નવા ઈમિગ્રેશન કાયદાના સખત અમલ માટે દરોડા શરૂ કર્યા પછી અમેરિકામાં ઠેર-ઠેર વિરોધ
પ્રદર્શનો ચાલી રહ્યા છે. લોસ એન્જેલસથી શરૂ થયેલા વિરોધ પ્રદર્શને અમેરિકાના અનેક વિસ્તારોને ભરડો લીધો છે. શાંત વિરોધ સાથે શરૂ થયેલા પ્રદર્શને હિંસક સ્વરૂપ ધારણ કરતાં ટ્રમ્પે સૈન્યને મેદાને ઉતાર્યું છે. તોફાનો કડક હાથે ડામી દેવાના ટ્રમ્પના દાવાને પડકારતા પ્રદર્શનકારીઓની સંખ્યા અને ઉગ્રતામાં સતત વધારો થઈ રહ્યો છે.

જેના કારણે અનેક સ્થળે આગચંપી, પથ્થરમારો અને તોડફોડ શરૂ થઈ છે અને સેંકડો પ્રદર્શનકારીઓની અટકાયત કરવામાં આવી છે. ગત શુક્રવારે લોસ એન્જેલસથી ઈમિગ્રેશન નીતિના વિરોધમાં પ્રદર્શન શરૂ થયા હતા. એક અઠવાડિયામાં જ વિરોધ પ્રદર્શન સમગ્ર દેશમાં ફેલાઈ ગયા છે. હાથમાં બેનર અને સૂત્રોચ્ચારો સાથે સેંકડો લોકોની રેલીના દૃશ્ય અમેરિકામાં હવે નવા નથી રહ્યાં. ઘણાં સ્થળે વાહનોને આગચંપી, ઈમારતોમાં તોડફોડ, સલામતી દળો પર હુમલા જેવી ઘટનાઓ બનતાં પ્રદર્શનકારીઓ પર બળપ્રયોગ કરવામાં આવી રહ્યો છે.

ટેક્સાસના ગવર્નગર ગ્રેગ એબોટ્ટે સોશિયલ મીડિયા પર જણાવ્યુ હતું કે, રાજ્યમાં કાયદો અને વ્યવસ્થા જાળવવા મોટી સંખ્યામાં નેશનલ ગાડ્‌ર્સની ટુકડીઓ તૈનાત થશે. વોશિંગ્ટન ડીસીમાં શનિવારે ટ્રમ્પની ઉપસ્થિતિમાં મિલિટરી પરેડ યોજાવાની છે. આ જ દિવસે પ્રદર્શનકારીઓએ વોશિંગ્ટન ડીસીમાં ‘નો કિંગ્સ’ને સૂત્ર સાથે વિશાળ દેખાવાનું એલાન કર્યું છે.સીએટલમાં પ્રદર્શનકારીઓએ જાહેર કચરાપેટીઓને આગ લગાડી સલામતીદળો પર પથ્થરમારો કર્યાે હતો.

ન્યૂયોર્કમાં સલામતી દળો પર પથ્થરમારો કરી રહેલા ૮૦થી વધુ પ્રદર્શકારીઓની અટકાયત કરાઈ હતી. ફિલા ડેલ્ફિયા, સેન ળાન્સિસ્કોમાં સેંકોડો લોકો રસ્તા પર ઉતરી આવ્યા હતા. પથ્થરમારા સાથે વાહનોમાં આગચંપી અને તોડફોડ શરૂ થતાં પોલીસે બળપ્રયોગ કર્યાે હતો અને સેંકડોની ધરપકડ કરી હતી. શિકાગો, ડેનવર સ્પોકને સહિત અમેરિકાના મોટા શહેરોમાં દેખાવકારો રસ્તા પર ઉતરી આવ્યા છે.ss1