ઓડિશામાં કિશોરીના હાથ બાંધી, મોંમાં કપડું ભરાવીને સળગાવી

પુરી, ઓડિશામાં મહિલાઓની સુરક્ષા પર ફરીથી ગંભીર પ્રશ્નો પેદા થયા છે. તાજેતરમાં બાલસોરમાં એક ૨૦ વર્ષીય વિદ્યાર્થિનીને આગ લગાડવાની ઘટના બની હતી. હવે પુરીમાં વધુ એક દર્દનાક ઘટના બની છે.

અહીં ૧૯ જુલાઈએ એક ૧૫ વર્ષીય કિશોરીને ત્રણ અસામાજિક તત્વોએ કેરોસીન છાંટીને આગ લગાડી દીધી, જેના કારણે આ વિદ્યાર્થિની અતિ ગંભીરપણે (૭૦ ટકાથી વધુ) દાઝી ગઈ છે. તેને સારી સારવાર માટે દિલ્હી એઇમ્સમાં દાખલ કરવામાં આવી છે.

એની હાલત ગંભીર માનવામાં આવી રહી છે. આ જઘન્ય અપરાધ પછી આખા ઓડિશામાં ભીષણ આક્રોશ છે. આ ઘટનાથી જોડાયેલી એવી ભયાનક માહિતી સામે આવી છે, જે સાંભળીને લોકોના કાળજા કંપી ઉઠશે.

આ ઘટનાના સાક્ષી દુખીશ્યામ સેનાપતિએ આ જઘન્ય ગુનાની ભયાનક વિગતો આપતાં જણાવ્યું કે, અસામાજિક તત્વોએ યુવતીને આગ લગાડતા પહેલા તેના હાથ બાંધી દીધા અને પછી મોંમાં કપડું ભરાવી દીધું હતું.

યુવતિ જ્યારે મારા ઘરની તરફ દોડી તો એ સળગી રહી હતી. તેના હાથ બાંધેલા હતા અને ગંભીર રીતે દાઝી ગઈ હતી. મારી પત્ની, પુત્રી અને મેં આગ બુઝાવી અને તેણીને નવા કપડા આપ્યા. પછી, મેં તેણી સાથે વાતચીત કરી. તેણીએ મને કહ્યું કે એ નજીકના એક ગામમાં રહે છે. બે બાઇક પર આવેલા ત્રણ લોકો બળજબરીથી અહીં લાવ્યા, અને કેરોસીન છાંટીને આગ લગાડી દીધી હતી.SS1MS