સિદ્ધાર્થ અને જ્હાન્વીની ‘પરમ સુંદરી’ની રિલીઝ પોસ્ટપોન થઈ

મુંબઈ, સિદ્ધાર્થ મલ્હાત્રા અને જ્હાન્વી કપૂરની ફિલ્મ ‘પરમ સુંદરી’ની રિલીઝ હવે પોસ્ટપોન કરવામાં આવી છે, હવે આ ફિલ્મ રિતિક રોશન અને કિઆરાની ‘વાર ૨’ પછી રિલીઝ થશે. હવે ‘પરમ સુંદરી’ ૨૯ ઓગસ્ટે રિલીઝ થશે.

દિનેશ વિજાનના મેડોક ફિલ્મ્સ દ્વારા પ્રોડ્યુસ કરવામાં આવેલી આ ફિલ્મ પહેલાં જુલાઈમાં રિલીઝ થવાની હતી. આ ફિલ્મનું નવું ગીત ‘પરદેસિયા’ રિલીઝ કરીને તેની સાથે નવી તારીખ પણ જાહેર કરવામાં આવી છે.

બુધવારે મેડોક ફિલ્મ્સ દ્વારા તારીખ જાહેર કરીને સોશિયલ મીડિયા પોસ્ટ પર લખાયું છે, “દિનેશ વિજાન તમારા માટે લાવે છે વર્ષની સૌથી મોટી લવસ્ટોરી પરમસુંદરી, ૨૯ ઓગસ્ટે સિનેમાઘરોમાં આવશે. એને એક કલાકમાં તેનાં વર્ષનાં સૌથી દિલથી બનેલાં ગીત પરદેસિયાને દિલથી માણો.”

આ તારીખ સાથે તેમણે નવું ગીત પમ લોંચ કર્યું છે. ‘પરમ સુંદરી’માં સાઉથ અને નોર્થની લવસ્ટોરી છે, આ પહેલાં ‘ચેન્નઇ એક્સ્પ્રેસ’ અને ‘ટુ સ્ટેટ્‌સ’માં પણ આ પ્રકારની સ્ટોરી જોવા મળી છે.

આ જ પરંપરાને આગળ વધારતા ‘પરમ સુંદરી’માં નવા દૃષ્ટિકોણથી આ પ્રકારની વાર્તા ફરી જોવા મળશે. આ ફિલ્મનું ટીઝર તો રાજકુમાર અને વામિકાની ‘ભૂલચુક માફ’ સાથે બતાવાયું હતું. આ ફિલ્મ તુષાર જલોટાએ ડિરેક્ટ કરી છે, જેમાં સિદ્ધાર્થ મલ્હાત્રા નોર્થનો છોકરો બનશે જ્યારે જ્હાન્વી કપૂર સાઉથની છોકરી બનશે.SS1MS