ટોરન્ટો ફેસ્ટિવલમાં પસંદ થયેલી પહેલી ભારતીય સિરીઝ ‘ગાંધી’

મુંબઈ, પ્રતિક ગાંધીએ જ્યારથી હિન્દી ફિલ્મ ઇન્ડસ્ટ્રીમાં પ્રવેશ કર્યાે છે, ત્યારથી તેણે ઇન્ડિયન ઓટીટી સિરીઝને વિસ્વ સ્તરે નવા પડાવ પર લઈ જવામાં મહત્વની ભૂમિકા નીભાવી છે. તેણે ‘સ્કેમ’થી હિન્દી ઓટીટીની દુનિયામાં પ્રવેશ કર્યાે હતો. આ સિરીઝ હંસલ મહેતા દ્વારા ડિરેક્ટ કરવામાં આવી હતી. ફરી એક વખત પ્રતિક ગાંધી હંસલ મહેતા સાથે કામ કરી રહ્યો છે.

તેમની વધુ એક સિરીઝ ‘ગાંધી’નું ટોરન્ટો ઇન્ટરનેશનલ ફિલ્મ ફેસ્ટિવલનાં પ્રાઇમટાઇમ પ્રોગ્રામમાં વર્લ્ડ પ્રિમીયર થવાનું છે. અપ્લાઉઝ એન્ટરટેઇન્મેન્ટ માટે આ મોટી ગૌરવની વાત છે કારણ કે ટોરન્ટો ઇન્ટરનેશનલ ફિલ્મ ફેસ્ટિવલમાં આમંત્રણ મેળવનાર આ ભારતની પહેલી સિરીઝ છે.

આ અંગે એક ઇન્ટરવ્યુમાં પ્રતિક ગાંધીએ જણાવ્યું, “આ એક અતિ મહત્વની ઘટના છે અને અમારા માટે વિશ્વ ફલક પર ભારતનું આ રીતે પ્રતિનિધિત્વ કરવું એ ખુબ ગૌરવની વાત છે.

ટોરન્ટો ઇન્ટરનેશનલ ફિલ્મ ફેસ્ટિવલમાં દર્શાવનારી આ ભારતની પહેલી વૅબ સિરીઝ છે અને મને લાગે છે કે આ સંપુર્ણપણે મેડ ઇન ઇન્ડિયા ફોર ધ વર્લ્ડ સિરીઝ છે. મારા માટે આ સિરીઝ વધુ મહત્વની એટલા માટે છે કે આ સિરિઝમાં પહેલી વખત હું મારી પત્ની ભામિની સાથે ઓન સ્ક્રીન કામ કરી રહ્યો છું, જે આ સિરીઝમાં કસ્તુરબા નો રોલ કરે છે. અમારા મન લોકો માટે આભારથી ભરાઈ ગયાં છે.”SS1MS