‘ના સચ્ચા પ્યાર હુઆ હૈ, ના કુછ અધુરા રહા હૈ’ સલમાન ભાવુક થયો

મુંબઈ, સલમાન ખાનની લવ લાઇફ હંમેશા એક ચર્ચાનો વિષય રહી છે. તેના લગ્ન વિશે પણ હંમેશા પ્રશ્નો ઉઠતા રહ્યા છે. તાજેતરમાં બિગ બોસ ૧૯ના પ્રીમિયર એપિસોડ દરમિયાન, સલમાન ખાને કન્ટેન્ટ ક્રિએટર તાન્યા મિત્તલ સાથે સ્ટેજ પર વાતચીત દરમિયાન પોતાના અંગત જીવન વિશે વાત કરી.

રવિવારે એક ભવ્ય પ્રીમિયર એપિસોડ દ્વારા સલમાન ખાન શોના હોસ્ટ તરીકે ફરી એક વખત પાછો ફર્યાે અને સ્પર્ધકોનો પરિચય કરાવ્યો. બિગ બોસ ૧૯ની સફર સત્તાવાર રીતે શરૂ થઈ ગઈ છે.

ત્યારે સ્પર્ધક તાન્યા મિત્તલ સાથેની વાતચીત દરમિયાન સલમાને પોતાની લવ લાઇફ વિશે સ્પષ્ટતા કરી, જે તેના માટે થોડી અંગત બની ગઈ હતી.બિગ બોસ ૧૯ના પ્રીમિયર એપિસોડ દરમિયાન, સલમાને કન્ટેન્ટ ક્રિએટર અને ઉદ્યોગસાહસિક તાન્યા મિત્તલનો પરિચય એક સ્પર્ધક તરીકે કરાવ્યો.

પરિચય પછી, કલ્ટ હિટ ‘ગેંગ્સ ઓફ વાસેપુર’નાં સ્ક્રિપ્ટ રાઇટર તરીકે પોતાની કારકિર્દી શરૂ કરનાર ઝીશાન કાદરીને સલમાને તાન્યા સાથે પરિચય કરાવ્યો હતો.તે સમયે, સલમાને તાન્યાને પૂછ્યું કે શું તેણે ગેંગ્સ ઓફ વાસેપુર ફિલ્મ જોઈ છે, જેના જવાબમાં તેણે કહ્યું કે, તેણે નથી જોઈ. સલમાને પછી જિજ્ઞાસાથી પૂછ્યું કે તેને કયા પ્રકારનું કન્ટેન્ટ જોવાનું ગમે છે.

તાન્યાએ ઉલ્લેખ કર્યાે કે તેણે ‘પ્રેમ રતન ધન પાયો’ જોઈ છે.વાતચીત દરમિયાન, તાન્યાએ સલમાનને પ્રશ્ન કર્યાે, “સાહેબ, સચ્ચા પ્યાર હમેશા અધુરા રહેતા હૈ ક્યા? (સાહેબ, શું સાચો પ્રેમ હંમેશા અધૂરો રહે છે?).”જેના જવાબમાં સલમાને જવાબ આપ્યો, “સચ્ચા પ્યાર, મુજે પતા નહીં… ક્યુંકી અભી તક હુઆ હી નહીં. ના સચ્ચા પ્યાર હુઆ હૈ, ના કુછ અધુરા રહે હૈ (સાચો પ્રેમ? મને ખબર નથી… કારણ કે મારી સાથે હજુ સુધી એવું બન્યું નથી. સાચો પ્રેમ થયો નથી, કે કંઈ પણ અધૂરું રહેતું નથી).”

સલમાન વર્ષાેથી ઘણા લોકો સાથે સંબંધોમાં રહ્યો છે. અહેવાલ મુજબ તેણે ૧૯૯૧થી ૧૯૯૯ સુધી ભૂતપૂર્વ અભિનેત્રી સોમી અલીને ડેટ કરી હતી.સલમાન અને સંગીતા બિજલાની વર્ષાે પહેલા ડેટ કરી રહ્યાં હતાં અને પછીથી અલગ થઈ ગયાં. તેઓ બોલિવૂડમાં તેમના શરૂઆતના વર્ષાે દરમિયાન એક ટીવી જાહેરાતના સેટ પર મળ્યાં હતાં.

બંને પ્રેમમાં પડ્યાં અને લગભગ એક દાયકા સુધી ડેટિંગ કર્યું; તે સલમાનના સૌથી લાંબા સંબંધોમાંનો એક હતો. બંનેએ લગ્ન કરવાનું પણ નક્કી કર્યું હતું, પરંતુ પછીથી તે તોડી નાખ્યું.

તાજેતરમાં ઈન્ડિયન આઈડલ ૧૫ના એક એપિસોડમાં, સંગીતાએ કહ્યું હતું કે સમારંભ રદ થાય તે પહેલાં તેના અને સલમાનના લગ્નના કાર્ડ છાપવામાં આવી રહ્યાં હતાં.સલમાન અને ઐશ્વર્યા રાય ૧૯૯૯માં ‘હમ દિલ દે ચૂકે સનમ’ના સેટ પર મળ્યાં પછી સાથે આવ્યાં હોવાના અહેવાલ હતાં, પરંતુ ૨૦૦૨ સુધીમાં તેઓ અલગ થઈ ગયાં હતાં. તાજેતરના વર્ષાેમાં, સલમાનનું નામ કેટરિના કૈફ અને યુલિયા વેંન્ટોર સહિત ઘણા કલાકારો સાથે જોડાયું છે.

જો કે, તેમણે ક્યારેય આ અહેવાલો સંદર્ભે જાહેરમાં વાત કરી નથી.રવિવારે, સલમાન ખાન રિયાલિટી શો બિગ બોસની ૧૯મી સીઝનનાં હોસ્ટ તરીકે પાછો ફર્યાે. સલમાને બિગ બોસ ૧૯ના સ્પર્ધકોનો ખૂબ જ ધામધૂમથી પરિચય કરાવ્યો.SS1MS