જાપાન એરોસ્પેસ અને ઈસરો વચ્ચે થયો મહત્ત્વનો કરાર

ઈસરો અને જાક્ષા વચ્ચે મહત્ત્વનો કરાર -વડાપ્રધાન મોદીએ ભારત-જાપાન ઇકોનોમિક ફોરમના મંચ પરથી જણાવ્યું કે, જાપાનની કંપનીઓએ ભારતમાં ૪૦ બિલિયન ડોલરથી વધુનું રોકાણ કર્યું છે

(એજન્સી)ટોક્યો, ચંદ્રયાન-૫ મિશન અંગે ભારતીય અવકાશ સંશોધન સંગઠન અને જાપાન એરોસ્પેસ એક્સપ્લોરેશન એજન્સી વચ્ચે એક કરાર થયો છે. પીએમ મોદીએ શુક્રવારે આ જાહેરાત કરી. પીએમ મોદીએ કહ્યું કે તેઓ ઈસરો અને જાક્ષા વચ્ચેના કરારનું સ્વાગત કરે છે. બંને દેશોની ભાગીદારી પૃથ્વીની સીમાઓથી આગળ વધી ગઈ છે. હવે બંને દેશો ચંદ્ર પર પણ પોતાની હાજરી દર્શાવશે.

ચંદ્રયાન-૫ મિશન અંગે ભારતીય અવકાશ સંશોધન સંગઠન અને જાપાન એરોસ્પેસ એક્સપ્લોરેશન એજન્સી વચ્ચે એક કરાર થયો છે. પીએમ મોદીએ શુક્રવારે આ જાહેરાત કરી. પીએમ મોદીએ કહ્યું કે તેઓ ઈસરો અને જાક્ષા વચ્ચેના કરારનું સ્વાગત કરે છે. બંને દેશોની ભાગીદારી પૃથ્વીની સીમાઓથી આગળ વધી ગઈ છે. હવે બંને દેશો ચંદ્ર પર પણ પોતાની હાજરી દર્શાવશે.

૧૫મી ભારત-જાપાન સમિટમાં ચર્ચા પછી, પીએમ મોદી અને જાપાનના વડાપ્રધાન શિગેરુ ઇશિબાએ સંયુક્ત પત્રકાર પરિષદને સંબોધિત કરી. સંયુક્ત પત્રકાર પરિષદને સંબોધતા, પીએમ મોદીએ કહ્યું, ‘હું જાપાનના વડાપ્રધાન શિગેરુ ઇશિબાનો તેમના ઉષ્માભર્યા શબ્દો અને ઉષ્માભર્યા સ્વાગત બદલ આભાર માનું છું. આજે અમારી ચર્ચા ઉપયોગી અને હેતુપૂર્ણ રહી.

અમે બંને સંમત થયા કે વિશ્વની બે સૌથી મોટી અર્થવ્યવસ્થાઓ અને ગતિશીલ લોકશાહીઓ તરીકેની અમારી ભાગીદારી ફક્ત આપણા બંને દેશો માટે જ નહીં પરંતુ વૈશ્વિક શાંતિ અને સ્થિરતા માટે પણ અત્યંત મહત્વપૂર્ણ છે.’ તેમણે કહ્યું, ‘મજબૂત લોકશાહીઓ એક સારી દુનિયાના નિર્માણમાં કુદરતી ભાગીદારો છે. આજે, આપણે આપણી ખાસ વ્યૂહાત્મક અને વૈશ્વિક ભાગીદારીમાં એક નવા અને સુવર્ણ પ્રકરણનો પાયો નાખ્યો છે. આપણે આગામી દાયકા માટે એક રોડમેપ તૈયાર કર્યો છે.

આપણા વિઝનના કેન્દ્રમાં રોકાણ, નવીનતા, આર્થિક સુરક્ષા, પર્યાવરણ, ટેકનોલોજી, આરોગ્ય, ગતિશીલતા અને લોકો વચ્ચે પરસ્પર આદાનપ્રદાન અને સીધી, પારદર્શક ભાગીદારી છે. આપણે ૧૦ વર્ષમાં જાપાનથી ભારતમાં ૧૦ ટ્રિલિયન યેનનું રોકાણ કરવાનું લક્ષ્ય રાખ્યું છે.’ પીએમ મોદીએ કહ્યું હતું કે, ‘ભારત અને જાપાનના નાના અને મધ્યમ ઉદ્યોગો અને સ્ટાર્ટઅપ્સને જોડવા પર પણ ખાસ ભાર મૂકવામાં આવશે.

ભારત-જાપાન બિઝનેસ ફોરમમાં પણ મેં જાપાની કંપનીઓને કહ્યું હતું, ‘મેક ઇન ઇન્ડિયા, મેક ફોર ધ વર્લ્ડ’. તેમણે કહ્યું કે ‘આપણી સંયુક્ત ક્રેડિટ મિકેનિઝમ ઊર્જા માટે એક મોટી જીત છે, જે દર્શાવે છે કે આપણી ગ્રીન ભાગીદારી તેમજ આપણી આર્થિક ભાગીદારી કેટલી મજબૂત છે. આ દિશામાં, આપણે સસ્ટેનેબલ ફ્યુઅલ ઇનિશિયેટિવ અને બેટરી સપ્લાય ચેઇન પાર્ટનરશિપ પણ શરૂ કરી રહ્યા છીએ. આપણે આર્થિક સુરક્ષા સહકાર પહેલ શરૂ કરી રહ્યા છીએ, જેના હેઠળ આપણે મહત્વપૂર્ણ અને વ્યૂહાત્મક ક્ષેત્રોમાં વ્યાપક અભિગમ સાથે આગળ વધીશું.’

તેમણે કહ્યું, ‘ઉચ્ચ ટેકનોલોજી ક્ષેત્રમાં સહયોગ અમારા બંને માટે પ્રાથમિકતા છે. આ સંદર્ભમાં, ડિજિટલ ભાગીદારી ૨.૦ અને છૈં સહયોગ પહેલ પર કામ ચાલી રહ્યું છે. સેમિકન્ડક્ટર અને દુર્લભ પૃથ્વી ખનિજો અમારા કાર્યસૂચિમાં ટોચ પર રહેશે. અમારું માનવું છે કે જાપાની ટેકનોલોજી અને ભારતીય પ્રતિભા એક વિજેતા સંયોજન છે.

અમે હાઇ-સ્પીડ રેલ પર કામ કરી રહ્યા છીએ, તેમજ નેક્સ્ટ જનરેશન મોબિલિટી પાર્ટનરશિપ હેઠળ બંદરો, ઉડ્ડયન અને જહાજ નિર્માણ જેવા ક્ષેત્રોમાં ઝડપી પ્રગતિ કરી રહ્યા છીએ. અમે ચંદ્રયાન ૫ મિશનમાં સહયોગ માટે ઈસરો અને જાક્સા વચ્ચેના કરારનું સ્વાગત કરીએ છીએ. અમે નક્કી કર્યું છે કે સંરક્ષણ ઉદ્યોગ અને નવીનતાના ક્ષેત્રમાં પરસ્પર સહયોગને વધુ મજબૂત બનાવવામાં આવશે.’

પીએમ મોદીએ કહ્યું, ‘માનવ સંસાધન વિનિમયની કાર્ય યોજના હેઠળ, આગામી ૫ વર્ષમાં બંને પક્ષો વચ્ચે વિવિધ ક્ષેત્રોમાં ૫ લાખ માનવ સંસાધન વિનિમયને પ્રોત્સાહન આપવામાં આવશે. ૫૦ હજાર કુશળ ભારતીયો જાપાનના અર્થતંત્રમાં યોગદાન આપશે. ભારત અને જાપાન વચ્ચેની ભાગીદારી ફક્ત દિલ્હી અને ટોક્યો સુધી મર્યાદિત રહેશે નહીં. આ વેપાર, પર્યટન, શિક્ષણ અને સાંસ્કૃતિક વિનિમય માટે નવા દરવાજા ખોલશે.’