ભારત-રશિયાના સંબંધોનું પાકિસ્તાન સન્માન કરે છેઃ શરીફ

બેઇજિંગ, પાકિસ્તાનના વડાપ્રધાન શહબાઝ શરીફે જણાવ્યું હતું કે તેમનો દેશ ભારત સાથે રશિયાના સંબંધોનું સન્માન કરે છે. આની સાથે જ તેમણે પુતિન સાથે કરેલી વાતચીતમાં પાકિસ્તાનના સંબંધો મજબૂત બનાવવાની હાકલ કરી હતી.

બન્ને નેતાઓ એસસીઓ સમિટમાં એકબીજાને મળ્યા હતા. શરીફે પુતિનને કહ્યું હતું કે છેલ્લાં ઘણાં વર્ષાેમાં આપણા સંબંધો સુધર્યા છે. અનેક ક્ષેત્રોમાં તમે બતાવેલી પ્રતિબદ્ધતા અને રસ બદલ તમારો આભાર. હું એવું પણ કહેવા માગું છું કે ભારત સાથે તમારા સંબંધોનું અમે સન્માન કરીએ છીએ. અમે પણ તમારી સાથે મજબૂત સંબંધો બાંધવા માગીએ છીએ.

આનાથી આ ક્ષેત્રની સમૃદ્ધિમાં વધારો થશે.પાકિસ્તાની સૈન્યના વડા ફીલ્ડ માર્શલ અસીમ મુનીરે મંગળવારે વડાપ્રધાન શહબાજ શરીફના પ્રતિનિધિમંડળના સભ્યના ભાગરૂપે ચીનના પ્રમુખ શી જિનપિંગની સાથે મુલાકાત કરી હતી.

આ મુલાકાત શાંઘાઇ સહયોગ સંગઠન(એસસીઓ)ના શિખર સંમેલનના એક દિવસ પછી થઈ છે, જેમાં ભારતના વડાપ્રધાન નરેન્દ્ર મોદી સામેલ થયા હતા.

અસીમ મુનીર – ચીનના તિયાનજિનમાં એસસીઓ શિખર સંમેલનમાં ભાગ લેનાર પાકિસ્તાની પ્રતિનિધિમંડળનો હિસ્સો હતા આમ, એક પ્રશ્ન સૌને સતાવી રહ્યો છે કે ચીન ખરેખર ભારતનું હિતમિત્ર બનશે કે પછી પાકિસ્તાન સાથેની જૂની મિત્રતા જાળવી રાખશે?SS1MS