ગદ્દાફીના પુત્ર સૈફ અલ-ઇસ્લામની તેમના ઘરે ગોળી મારીને હત્યા

ત્રિપોલી, ભૂતપૂર્વ લિબિયન નેતા કર્નલ મુઅમ્‍મર ગદ્દાફીના પુત્ર સૈફ અલ-ઇસ્‍લામ ગદ્દાફીની ગોળી મારીને હત્‍યા કરવામાં આવી છે. લિબિયન ન્‍યૂઝ એજન્‍સી અનુસાર, તેમની રાજકીય ટીમના વડાએ મંગળવારે ૫૩ વર્ષીય સૈફ અલ-ઇસ્‍લામના મૃત્‍યુની પુષ્ટિ કરી હતી. તેમના વકીલે જણાવ્‍યું હતું કે ચાર સભ્‍યોની કમાન્‍ડો યુનિટૅ એ ઝિટાન શહેરમાં તેમના ઘરે તેમની હત્‍યા કરી હતી. આ હુમલા પાછળ કોણ હતું તે સ્‍પષ્ટ નથી. Saif al-Islam Muamar el Gadafi fue asesinado en circunstancias misteriosas.

કર્નલ મુઅમ્મર ગદ્દાફી – જીવન અને શાસન

• જન્મ: 7 જૂન 1942, સિરતે, લિબિયા.
• શાસન શરૂ: 1969માં રાજા ઇદ્રિસને હટાવીને સત્તા કબજે કરી.
• પદ: “Brotherly Leader and Guide of the Revolution” તરીકે ઓળખાતા.
• શાસન સમયગાળો: 1969 થી 2011 સુધી, લગભગ 42 વર્ષ.
• વિચારધારા: ગદ્દાફીએ “ગ્રીન બુક” દ્વારા પોતાની રાજકીય વિચારધારા રજૂ કરી, જેમાં અરબી રાષ્ટ્રવાદ, સામ્યવાદ અને ઇસ્લામિક મૂલ્યોનું સંયોજન હતું.

આંતરરાષ્ટ્રીય સંબંધો અને વિવાદ

• પશ્ચિમ સાથે તણાવ: 1980–90ના દાયકામાં અમેરિકા અને યુરોપ સાથે સતત વિવાદ.
• લોકરબી વિસ્ફોટ (1988): સ્કોટલેન્ડમાં વિમાન વિસ્ફોટ માટે લિબિયાને જવાબદાર ઠેરવાયું.
• સંયુક્ત રાષ્ટ્ર પ્રતિબંધ: 1990ના દાયકામાં લિબિયા પર આર્થિક પ્રતિબંધો લાગુ થયા.
• 2000 પછી: ગદ્દાફીએ પશ્ચિમ સાથે સંબંધ સુધારવાનો પ્રયાસ કર્યો, પરમાણુ હથિયારોનો કાર્યક્રમ બંધ કર્યો.

ગદ્દાફીનો અંત

• 2011ની અરબ વસંત: લિબિયામાં બળવો શરૂ થયો.
• નેટો હસ્તક્ષેપ: નેટો દળોએ બળવાખોરોને સમર્થન આપ્યું.
• 20 ઓક્ટોબર 2011: સિરતે શહેરમાં ગદ્દાફીની ધરપકડ પછી હત્યા કરવામાં આવી.
• પરિણામ: લિબિયામાં ગદ્દાફી શાસનનો અંત આવ્યો, પરંતુ દેશ ગૃહયુદ્ધ અને અસ્થિરતામાં ફસાયો.

સૈફ અલ-ઇસ્‍લામ એક સમયે તેમના પિતાના વારસદાર અને તેમના પિતા પછી લિબિયામાં સૌથી પ્રભાવશાળી વ્‍યક્‍તિ માનવામાં આવતા હતા. તેમના પિતા, મુઅમ્‍મર ગદ્દાફીએ ૧૯૬૯ થી ૨૦૧૧ ના બળવામાં તેમની હકાલપટ્ટી સુધી લિબિયા પર શાસન કર્યું.

• ભૂતપૂર્વ લિબિયન નેતા કર્નલ મુઅમ્મર ગદ્દાફીના પુત્ર સૈફ અલ-ઇસ્લામ ગદ્દાફીની ઝિટાન શહેરમાં તેમના ઘરે ગોળી મારીને હત્યા કરવામાં આવી.
• લિબિયન ન્યૂઝ એજન્સી અનુસાર, તેમની રાજકીય ટીમના વડાએ ૫૩ વર્ષીય સૈફના મૃત્યુની પુષ્ટિ કરી.
• તેમના વકીલ મુજબ, ચાર સભ્યોની કમાન્ડો યુનિટએ આ હુમલો કર્યો હતો, પરંતુ પાછળ કોણ હતું તે સ્પષ્ટ નથી.

૧૯૭૨ માં જન્‍મેલા, સૈફે ૨૦૦૦ થી ગદ્દાફી શાસનના પતન સુધી પﾍમિ સાથે લિબિયાના સંબંધો સુધારવામાં મુખ્‍ય ભૂમિકા ભજવી હતી. તેમના પિતાની હકાલપટ્ટી પછી, સૈફ અલ-ઇસ્‍લામ ગદ્દાફી પર સરકાર વિરોધી વિરોધ પ્રદર્શનોના ક્રૂર દમનમાં મુખ્‍ય ભૂમિકા ભજવવાનો આરોપ મૂકવામાં આવ્‍યો હતો.

ઝિન્‍ટાન શહેરમાં એક હરીફ લશ્‍કર દ્વારા તેમને લગભગ છ વર્ષ સુધી કેદ કરવામાં આવ્‍યા હતા. ૨૦૧૫ માં, લિબિયાની એક કોર્ટે વિરોધ પ્રદર્શનો પર કડક કાર્યવાહીમાં તેમની ભૂમિકા બદલ સૈફને ગેરહાજરીમાં મૃત્‍યુદંડની સજા ફટકારી હતી. તેમના પિતાની સરકારમાં કોઈ સત્તાવાર ભૂમિકા ન હોવા છતાં, સૈફે નીતિઓ ઘડી અને ઉચ્‍ચ-પ્રોફાઇલ વાટાઘાટોનું નેતૃત્‍વ કર્યું, જેમાં તે પણ શામેલ છે જેના કારણે તેમના પિતાએ તેમના પરમાણુ શષો કાર્યક્રમ છોડી દીધો.

આ કરારોને કારણે તેમના દેશ પરના આંતરરાષ્ટ્રીય પ્રતિબંધો હટાવવામાં આવ્‍યા. આનાથી તેમના પિતાની સરકારમાં સૈફનો દરજ્‍જો વધ્‍યો. સૈફે અસ્‍થિરતાનો સામનો કરી રહેલા આફ્રિકન દેશ લિબિયામાં ૨૦૨૧ માં યોજાનારી રાષ્ટ્રપતિની ચૂંટણી લડવાનો પોતાનો ઇરાદો જાહેર કર્યો હતો.

આ ચૂંટણીઓ પછીથી અનિﾍતિ સમય માટે મુલતવી રાખવામાં આવી હતી. જોકે, સૈફે હંમેશા ઇનકાર કર્યો હતો કે તે તેના પિતા પાસેથી વારસામાં સત્તા મેળવવા માંગે છે. સૈફે કહ્યું હતું કે સત્તાની લગામ ખેતીની જમીન વારસામાં મળી નથી.