મહેસાણામાં ૪૧૧ બોટલ રક્તદાન કરીને મહિલાઓએ ઇતિહાસ રચ્યો
Files Photo
મહેસાણા, મહેસાણા શહેરમાં વિશ્વ મહિલા દિવસ નિમિત્તે ઇનરવ્હીલ કલબ ઓફ મહેસાણા અને રોટરી કલબ ઓફ મહેસાણાના સંયુક્ત ઉપક્રમે ફક્ત મહિલાઓ માટે અને મહિલાઓ દ્વારા સંચાલિત રક્તદાન કેમ્પ યોજાયો હતો.
આ અનોખા કેમ્પમાં મહિલાઓએ ઉત્સાહપૂર્વક ભાગ લઈ કુલ ૪૧૧ બોટલ રક્તદાન કર્યું હતું. આ અભૂતપૂર્વ આયોજનને એશિયા બુક ઓફ રેકોડ્ર્સમાં સ્થાન મળ્યું છે. ખાસ નોંધનીય બાબત એ છે કે આ પ્રકારનું આયોજન આખા ભારત તેમજ એશિયા સ્તરે પ્રથમવાર નોંધાયું છે.
આ કાર્યક્રમમાં મોટી સંખ્યામાં મહિલાઓએ સ્વયંપ્રેરિત થઈ રક્તદાન કરીને સમાજસેવાનું ઉત્તમ ઉદાહરણ પૂરું પાડ્યું હતું. મહિલાઓ દ્વારા સંચાલિત આ કેમ્પમાં આયોજન, વ્યવસ્થા અને સંચાલન તમામ ક્ષેત્રે મહિલાઓની સક્રિય ભૂમિકા રહી હતી.
આ પ્રસંગે ઉપસ્થિત મહાનુભાવોએ રક્તદાતા મહિલાઓને સન્માનિત કરી તેમની સેવા ભાવનાને બિરદાવતા જણાવ્યું હતું કે રક્તદાન માનવતા માટેનું સૌથી મહાન દાન છે અને આવી પ્રવૃત્તિઓ સમાજ માટે પ્રેરણાદાયી છે.મહાનુભાવોએ રક્તદાતા મહિલાઓને ગિફ્ટ તથા પ્રમાણપત્ર આપી સન્માનિત કરી અને સમાજમાં વધુમાં વધુ લોકો રક્તદાન માટે પ્રેરિત થાય તેવી આશા વ્યક્ત કરી હતી.SS1MS
