ચીન-પાકિસ્તાનની ઊંઘ હરામ! ભારતીય સેના ખરીદશે સ્વદેશી એટેક ડ્રોન; ખાસિયતો જાણી ચોંકી જશો

1000 કિમી સુધી પ્રહાર કરશે AI ડ્રોન ! ભારતીય સેના ખરીદી રહી સ્વદેશી લોંગ રેન્જ એટેક ડ્રોન

ભારતીય સેના પોતાની લાંબા અંતરની હુમલાખોર ક્ષમતા વધુ મજબૂત બનાવવા માટે હવે સ્વદેશી AI (આર્ટિફિશિયલ ઇન્ટેલિજન્સ) આધારિત લોંગ રેન્જ વન-વે એટેક ડ્રોન ખરીદવાની તૈયારીમાં છે. મીડિયા રિપોર્ટ મુજબ, આ ડ્રોન 1,000 કિલોમીટર સુધીના લક્ષ્ય પર ચોક્કસ હુમલો કરી શકશે.

Make-II યોજના હેઠળ થશે ખરીદી -આ ખરીદી Long Range Loiter Munition (LRLM) કાર્યક્રમ હેઠળ સંરક્ષણ ખરીદી નીતિના Make-II મોડલ દ્વારા કરવામાં આવશે. આ મોડલમાં ખાનગી કંપનીઓ પોતાના ખર્ચે સંશોધન અને વિકાસ (R&D) કરશે. જો ડ્રોન સેનાના ટેકનિકલ ધોરણો પર ખરા ઉતરશે તો ભારતીય સેના તેમની ખરીદી કરશે.

GPS વગર પણ કરશે ચોક્કસ હુમલો -સેનાની જરૂરિયાત મુજબ નવા ડ્રોનમાં AI આધારિત અદ્યતન ટેક્નોલોજી હશે. આ ડ્રોન GPS ઉપલબ્ધ ન હોય તેવી સ્થિતિમાં પણ લક્ષ્ય સુધી પહોંચી ચોક્કસ હુમલો કરી શકશે. સાથે જ તે 1,000 કિમી સુધીના અંતરે આવેલા નિશાનને નિશાન બનાવી શકશે.

દરેક પ્રકારના વિસ્તારમાં કરી શકશે કામગીરી -આ ડ્રોન મેદાની વિસ્તારો, રણપ્રદેશ, જંગલ તેમજ પર્વતીય વિસ્તારોમાં પણ અસરકારક રીતે કાર્ય કરી શકે તેવા હોવા જોઈએ. ઉપરાંત, તેઓ સૈન્ય માટે જરૂરી મજબૂત અને કઠિન પરિસ્થિતિઓને સહન કરી શકે તેવા ધોરણો પૂર્ણ કરશે. આ સમગ્ર પ્રક્રિયાનું નેતૃત્વ ભારતીય સેનાની રેજિમેન્ટ ઑફ આર્ટિલરી કરી રહી છે.

100 કિમી રેન્જના 850 ડ્રોનની પણ ખરીદી -આ ઉપરાંત, ભારતીય સેના 100 કિલોમીટરથી વધુ રેન્જ ધરાવતા 850 વન-વે એટેક ડ્રોનની અલગ ખરીદી પ્રક્રિયા પણ આગળ ધપાવી રહી છે. આ પ્રોજેક્ટ માટે ટાટા એડવાન્સ્ડ સિસ્ટમ્સ લિમિટેડ અને નિબે ડિફેન્સને તાજેતરમાં શોર્ટલિસ્ટ કરવામાં આવ્યા છે.

આ નવી પહેલથી ભારતીય સેનાની લાંબા અંતરની ચોક્કસ હુમલો કરવાની ક્ષમતામાં નોંધપાત્ર વધારો થશે અને સ્વદેશી સંરક્ષણ ટેક્નોલોજીને પણ પ્રોત્સાહન મળશે.