32 ભારતીય પ્રવાસીઓ ભરેલી સ્પીડબોટ વિયેતનામના ટાપુ નજીક દરિયામાં ડૂબી
વિયેતનામના અત્યંત લોકપ્રિય પ્રવાસન સ્થળ એવા ફુ ક્વોક (Phu Quoc) ટાપુ નજીક એક હૃદયદ્રાવક અકસ્માત સર્જાયો છે. ૧૧ જુલાઈના રોજ સવારે આશરે ૧૦:૩૦ વાગ્યે, ૩૨ ભારતીય પ્રવાસીઓથી ભરેલી એક સ્પીડબોટ દરિયામાં ડૂબી ગઈ હોવાના ચોંકાવનારા સમાચાર સામે આવ્યા છે.
આ ઘટના ફુ ક્વોક નજીક આવેલા ‘હોન માય રુત ન્ગોઈ’ (Hon May Rut Ngoai) વિસ્તાર પાસે ઘટી હતી.
A speedboat carrying 32 Indian tourists sank near Hon May Rut Ngoai, Phu Quoc, at around 10:30 a.m. on July 11, 2026.
In a tragic incident, a boat carrying several Indian tourists has capsized near Phu Quoc Island in Vietnam a few hours ago.
Exact details of the incident are being ascertained as search and rescue operations by local authorities are ongoing.
In order to provide information…
— India in Vietnam (@AmbHanoi) July 11, 2026
બચાવ કામગીરી અને વર્તમાન સ્થિતિ
અકસ્માતની જાણ થતાં જ સ્થાનિક પ્રશાસન અને દરિયાઈ સુરક્ષા દળો તાત્કાલિક એક્શનમાં આવ્યા હતા. યુદ્ધના ધોરણે સર્ચ એન્ડ રેસ્ક્યુ (શોધ અને બચાવ) ઓપરેશન શરૂ કરવામાં આવ્યું હતું.
Vietnam : A speedboat carrying 32 Indian tourists sank near Hon May Rut Ngoai off Phu Quoc at around 10:30 a.m. on July 11. 18 people have been rescued so far. Authorities fear multiple casualties. Search and rescue operations are ongoing. pic.twitter.com/icPJRYhDep
— Baba Banaras™ (@RealBababanaras) July 11, 2026
- ૧૮ પ્રવાસીઓનો આબાદ બચાવ: બપોર સુધીમાં બચાવ ટુકડીઓએ સઘન મહેનત બાદ બોટમાં સવાર ૩૨ મુસાફરોમાંથી ૧૮ લોકોને સુરક્ષિત રીતે દરિયામાંથી બહાર કાઢી લીધા છે.
- મોતની આશંકા: સ્થાનિક સત્તાવાળાઓ દ્વારા આ અકસ્માતમાં કેટલાક પ્રવાસીઓના મોતની આશંકા વ્યક્ત કરવામાં આવી છે. જો કે, હજુ સુધી સત્તાવાર રીતે કેટલા લોકોના મોત થયા છે તેનો ચોક્કસ આંકડો જાહેર કરવામાં આવ્યો નથી.
- ઓપરેશન ચાલુ: બાકીના ગુમ થયેલા પ્રવાસીઓને શોધવા માટે હજુ પણ દરિયામાં મોટા પાયે સર્ચ ઓપરેશન ચલાવવામાં આવી રહ્યું છે.
ભારતીય દૂતાવાસ અને સ્થાનિક વહીવટી તંત્ર એક્શનમાં
આ ઘટનાની ગંભીરતાને જોતા વિયેતનામમાં સ્થિત ભારતીય દૂતાવાસ સ્થાનિક સત્તાવાળાઓ સાથે સતત સંપર્કમાં છે. બચાવી લેવાયેલા ભારતીય નાગરિકોને તાત્કાલિક તબીબી સારવાર મળી રહે અને ગુમ થયેલા લોકોને વહેલી તકે શોધી શકાય તે માટે તમામ પ્રયાસો કરવામાં આવી રહ્યા છે.
અત્રે ઉલ્લેખનીય છે કે, એક વર્ષ પહેલા 19-07-2026ના રોજ વિયેતનામના હા લોંગ ખાડીમાં પરિવારોને લઈ જતી એક પ્રવાસી હોડી શનિવારે બપોરે તોફાનમાં પલટી ગઈ, જેમાં ઓછામાં ઓછા 34 લોકોના મોત થયા.
અચાનક ભારે વરસાદને કારણે યુનેસ્કો વર્લ્ડ હેરિટેજ સાઇટમાં જ્યારે જહાજ પલટી ગયું ત્યારે તેમાં 48 મુસાફરો અને પાંચ ક્રૂ સભ્યો હતા, એમ VNExpress ન્યૂઝ સાઇટે જણાવ્યું હતું. તેમાં સવાર મોટાભાગના લોકો રાજધાની હનોઈથી મુલાકાત લઈ રહેલા પરિવારો હતા, જેમાં 20 થી વધુ બાળકો પણ હતા, એમ તેમાં જણાવાયું છે. “બોર્ડર ગાર્ડ્સે 11 લોકોને બચાવ્યા અને 34 મૃતદેહો બહાર કાઢ્યા,” તેમાં ઉમેર્યું હતું.
