કોમનવેલ્થ ગેમ્સ ૨૦૨૬ઃ મીરાબાઈ ચાનુએ ભારતને અપાવ્યો પ્રથમ સુવર્ણ ચંદ્રક
(એજન્સી) નવી દિલ્હી, કોમનવેલ્થ ગેમ્સ ૨૦૨૬ના ચોથા દિવસે ભારતીય રમતજગત માટે ખૂબ જ ગર્વ અને ઉત્સાહના સમાચાર સામે આવ્યા છે. ભારતની સ્ટાર મહિલા વેઇટલિફ્ટર (ભારાત્તોલક) મીરાબાઈ ચાનુએ અદભૂત પ્રદર્શન કરીને મહિલાઓની ૪૮ કિલોગ્રામ કેટેગરીમાં દેશને આ વર્ષનો પ્રથમ સુવર્ણ ચંદ્રક (ગોલ્ડ મેડલ) અપાવીને ઈતિહાસ રચી દીધો છે. Mirabai Chanu lifts 85 kg to set a new Commonwealth Games snatch record
मीराबाई चानू ने CWG 2026 में जीता गोल्ड मेडल
CWG गेम्स में चानू की गोल्डन हैट्रिक
Mirabai Chanu #MirabaiChanu || #GoldMedal #BreakingNews #CWG #mirabaichanu pic.twitter.com/GDCUum3jqY
— Ravi Pandey🇮🇳 (@ravipandey2643) July 26, 2026
મીરાબાઈ ચાનુએ સ્નેચ રાઉન્ડમાં ૮૫ કિલો અને ક્લીન એન્ડ જર્ક રાઉન્ડમાં ૧૦૫ કિલો મળીને કુલ ૧૯૦ કિલોગ્રામ જેટલો માતબર વજન ઉપાડીને આ સ્પર્ધામાં પ્રભુત્વ જમાવ્યું હતું અને આ ઐતિહાસિક સિદ્ધિ મેળવી હતી. આ સાથે જ કોમનવેલ્થ ગેમ્સમાં સતત ત્રીજી વખત સુવર્ણ ચંદ્રક જીતવાનો એક અનોખો રેકોર્ડ પણ તેમણે પોતાના નામે કર્યો છે.
આ અગાઉ મીરાબાઈ ચાનુએ વર્ષ ૨૦૧૮ અને વર્ષ ૨૦૨૨ની કોમનવેલ્થ ગેમ્સમાં પણ ભારત માટે સુવર્ણ ચંદ્રક મેળવ્યા હતા. આજના મુકાબલામાં મીરાબાઈ ચાનુએ શરૂઆતથી જ પોતાની પકડ મજબૂત રાખી હતી. સ્પર્ધાના પ્રથમ તબક્કા એટલે કે સ્નેચ રાઉન્ડમાં તેમણે ત્રીજા પ્રયાસમાં ૮૫ કિલો વજન સફળતાપૂર્વક ઉપાડીને કોમનવેલ્થ ગેમ્સનો એક નવો કીર્તિમાન સ્થાપિત કર્યો હતો.
