પાલમપુરમાં સૈફ-કરીનાએ ચાના બગીચાની મુલાકાત લીધી
મુંબઈ: થોડા મહિનામાં જ બીજી વખત મમ્મી બનવા જઈ રહેલી એક્ટ્રેસ કરીના કપૂર ખાને હિમાચલ પ્રદેશની ખૂબસૂરત વાદીઓને બાય-બાય કહેવાની તૈયારી કરી દીધી છે. સોમવારે કરીનાએ સામાન પેક કરી દીધો છે અને તે મુંબઈ આવવા નીકળવાની છે. હિમાચલ પ્રદેશના પાલમપુરમાં સુખદ સમય વિતાવ્યા પછી કરીના મુંબઈ આવવા તૈયાર છે.
કરીના કપૂર ખાન ઈન્સ્ટાગ્રામ પર ખાસ્સી એક્ટિવ રહે છે ત્યારે પોતાના આ વેકેશનની તસવીરો તે ફોલોઅર્સ સાથે શેર કરતી હતી. ત્યારે આજે કરીના કપૂરે ઈન્સ્ટાગ્રામ પર એક સન-કિસ્ડ સેલ્ફી પોસ્ટ કરીને જાણકારી આપી છે કે તે મુંબઈ આવી રહી છે. કરીનાની પાઉટ કરતી સેલ્ફીનું બેકગ્રાઉન્ડ પણ ખૂબ સુંદર છે.
પાછળ સુંદર પહાડો અને હરિયાળીનો નજારો જાેઈ શકો છો. કરીનાએ આ તસવીર શેર કરતાં લખ્યું, બાય બાય પાલમપુર. અદ્ભૂત અનુભવ રહ્યો અને હેલો મુંબઈ હું ઘરે આવી રહી છું. ગ્રે ટીશર્ટ અને પ્લેડ જેકેટમાં બેબો હંમેશાની જેમ ગોર્જિયસ લાગતી હતી. ઉલ્લેખનીય છે કે, થોડા દિવસ પહેલા જ કરીના કપૂર ખાન પતિ સૈફ અને દીકરા તૈમૂર સાથે પાલમપુર આવી હતી. સોશિયલ મીડિયા પર કરીનાની કેટલીક તસવીરો વાયરલ થઈ રહી છે. જેમાં તે પાલમપુરના ગામમાં ફરવા નીકળી હતી. કરીનાએ ત્યાંના સ્થાનિકો સાથે પોઝ પણ આપ્યો હતો. આ ઉપરાંત સૈફ અને કરીનાની બીજી એક તસવીર વાયરલ થઈ રહી છે.
જેમાં તેઓ પાલમપુરના કોઈ હોટેલ કે રિસોર્ટમાં પોઝ આપી રહ્યા છે. પાછળ હરિયાળા પર્વતો જાેવા મળી રહ્યા છે. આ ઉપરાંત કરીના કપૂર અને સૈફ અલી ખાને ટી એસ્ટેટની પણ મુલાકાત લીધી હતી. સાથે જ લોજમાં લંચનો આનંદ લીધો હતો. કરીના કપૂરના ફેન ક્લબ્સ દ્વારા વિવિધ તસવીરો શેર કરવામાં આવી છે. એક તસવીરમાં સૈફ-કરીના કેમેરા સામે પોઝ આપી રહ્યા છે જ્યારે નાનકડો તૈમૂર લાકડી સાથે પોતાની જ ધૂનમાં મસ્ત છે.
જણાવી દઈએ કે, કરીના કપૂર અને તૈમૂર દિવાળીના થોડા દિવસ પહેલા હિમાચલ પ્રદેશના ધર્મશાલા પહોંચ્યા હતા. અહીં સૈફ અલી ખાન પોતાની આગામી ફિલ્મ ‘ભૂત પોલીસ’નું શૂટિંગ કરી રહ્યો હતો. ધર્મશાલા બાદ તેઓ પાલમપુર પહોંચ્યા હતા. કરીના-સૈફ અને તૈમૂરની આ હિમાચલ ટૂરની તસવીરો સોશિયલ મીડિયા પર ખૂબ જ વાયરલ થઈ રહી છે.
