મેક્સવેલનો કેચ છૂટ્યો તો શાર્દુલ ઠાકુર ગુસ્સે થયો
નવી દિલ્હી: મેજબાન ઓસ્ટ્રેલિયાની વિરુદ્ધ ટીમ ઈન્ડિયા ત્રીજી અને અંતિમ ટી૨૦ મેચ ૧૨ રનથી હારી ગયું. જાેકે ટીમે ૨-૧થી સીરીઝમાં જીત નોંધાવી લીધી. ત્રીજી ટી૨૦માં ભારતને ખરાબ ફીલ્ડિંગના કારણે નુકસાન ઉઠાવવું પડ્યું. ભારતીય ફીલ્ડર્સે અનેક કેચ છોડ્યા, જેના કારણે ઓસ્ટ્રેલિયાની ટીમે ભારતની સામે ૧૮૭ રનનો ટાર્ગેટ મૂકી દીધો. જવામાં ભારત ૧૭૪ રન જ કરી શક્યું. આ મેચમાં ભારતીય ફાસ્ટ બોલર શાર્દુલ ઠાકુર પોતાના ગુસ્સા પર કાબૂ ગુમાવતો જાેવા મળ્યો અને દીપક ચાહર પર પોતાનો ગુસ્સો ઉતારી દીધો.
મૂળે ગ્લેન મેક્સવેલની સ્ફોટક બેટિંગ કરીને ચારે તરફ રન ફટકારી રહ્યો હતો. તેણે ૩૬ બોલ પર ૫૪ રનની ઇનિંગ રમી. આ ઇનિંગ દરમિયાન શાર્દુલ ઠાકુરના બોલ પર ચહલે મેક્સવેલને જીવતદાન આપ્યું. બસ આ જાેઈને ઠાકુર ખૂબ જ ગુસ્સે ભરાઈ ગયો. ૧૬મી ઓવર બાદ ઓસ્ટ્રેલિયાએ એક વિકેટ પર ૧૪૫ રન બનાવી દીધા હતા અને મેથ્યૂ વેડ અને ગ્લેન મેક્સવેલ ક્રીઝ પર હતા. ૧૭મી ઓવરમાં આ ભાગીદારીને તોડવા માટે શાર્દુલ ઠાકુર અટેક કરવા આવ્યો હતો. શાર્દુલની ઓવરના પાંચમા બોલ પર તેણે મેક્સવેલને પોતાની જાળમાં લગભગ ફસાવી પણ દીધો હતો.
મેક્સવેલે ડીપ બેકવર્ડ પોઇન્ટ પર શોટ માર્યો, ત્યાં દીપક ચાહર હાજર હતો. તેણે કેચ પકડવાનો પ્રયાસ કર્યો, પરંતુ બોલ તેના હાથમાંથી છૂટી ગયો. જ્યારે દીપક ચાહરે મેક્સવેલને જીવતદાન આપ્યું, તે સમયે મેક્સવેલ ૩૮ રન પર રમતો હતો. કેચ છૂટતાં જ ઠાકુર ગુસ્સામાં જાેવા મળ્યો. ત્યારબાદ મેક્સવેલે તાબડતોડ બેટિંગ કરી અને તેની આ બેટિંગન દમ પર ઓસ્ટ્રેલિયા ૨૦ ઓવરમાં ૫ વિકેટ ગુમાવીને ૧૮૬ રન કરી શક્યું. મેક્સવેલ ઉપરાંત મેથ્યૂ વેડે ૮૦ રનની ઇનિંગ રમી.
