અભિનેતા મોહિત મલિક કોરોનાથી સંક્રમિત થયો
મુંબઈ: હાલમાં જ ક્લોઝ ફ્રેન્ડ્સ અને પત્ની સાથે બર્થ ડે સેલિબ્રેટ કરનાર લોકડાઉન કી લવ સ્ટોરી ફેમ મોહિત મલિકનો કોરોના રિપોર્ટ પોઝિટિવ આવ્યો છે. એક્ટરે સોશિયલ મીડિયા પર એક લાંબી પોસ્ટ શેર કરી છે. જેમાં તેણે જણાવ્યું છે કે, ૧૪મી જાન્યુઆરીએ તેને તાવ આવ્યો હતો
અને તેથી તેણે કોરોના ટેસ્ટ કરાવવાનું નક્કી કર્યું હતું, જે પોઝિટિવ આવ્યો છે. આ સાથે તેણે તેના શુભચિંતકોને તેમ પણ કહ્યું છે કે, તેની પ્રેગ્નેન્ટ પત્ની અદિતિ મલિક સુરક્ષિત છે. જાે કે, બંનેએ પોતાને આઈસોલેટ કર્યા છે.
મોહિત મલિકે લખ્યું છે કે, આપણે ગમે એટલો પ્રયાસ કરીએ અને જરૂરી પગલા લઈએ, પરંતુ ક્યારેક-ક્યારેક અજાણતામાં થનારી પરિસ્થિતિ માટે હંમેશા એક શક્યતા હોય છે. ગઈકાલે, મને તાવ આવ્યો અને મેં કોરોના ટેસ્ટ કરાવવાનું નક્કી કર્યું. જે પોઝિટિવ આવ્યો છે.
સદ્દભાગ્યે અદિતિ સુરક્ષિત છે, પરંતુ અમે બંને આઈસોલેશનમાં છીએ અને મેં પોતાને ક્વોરન્ટિન કર્યો છે. છેલ્લા કેટલાક દિવસ દરમિયાન જે લોકો મારા સંપર્કમાં આવ્યા હતા તેમને હું વધારે સાવચેતી રાખવાની અને કોઈ લક્ષણો દેખાય તો ટેસ્ટ કરાવવાની અપીલ કરું છું. પ્રાર્થના કરીએ અને આશા રાખીએ કે, આપણે આ સ્થિતિમાંથી જલ્દી બહાર આવીએ. માત્ર અમે જ નહીં
પરંતુ જેઓ પણ આ સ્થિતિમાંથી પસાર થઈ રહ્યા છે તે તમામ ફરીથી સુરક્ષિત વાતાવરણમાં જીવવાનું શરુ કરે તેવી આશા. એક્ટર પિતા બનવાનો હોવાથી હાલ સાતમાં આસમાને છે. તેણે થોડા સમય પહેલા પત્ની સાથે રહેવા માટે નાનકડો બ્રેક લીઝો હતો અને સોશિયલ મીડિયા પર તેના મિનિ વેકેશનની કેટલીક તસવીરો શેર કરી હતી. મોહિત અને અદિતિ પરિવારમાં નવા સભ્યનું આગમન કરવા માટે ઘણા ઉત્સાહિત છે.
અમારા સહયોગી ટાઈમ્સ ઓફ ઈન્ડિયાને આપેલા એક ઈન્ટરવ્યૂમાં મોહિતે કહ્યું હતું કે, ‘અદિતિના પ્રેગ્નેન્સીના પાંચ મહિના પૂરા થઈ ગયા છે. અને અમારા બાળકે કિક મારવાનું શરુ કરી દીધું છે. મને હંમેશાથી દીકરી જાેઈએ છે. મારું મારી ભત્રીજીઓ સાથેનું કનેક્શન પણ અદ્દભુત છે. આ જ કારણથી હું ‘કુલ્ફી કુમાર બાજેવાલા’માં મારી ઓન-સ્ક્રીન દીકરીઓ સાથે સારી રીતે કનેક્ટ કરી શકતો હતો.
