દિકરા જુનૈદ સાથે આમિર કેબીસી-૧૬ની હોટ સીટ પર જોવા મળશે

મુંબઈ, અમિતાભ બચ્ચનના જાણીતા ક્વિઝ શો ‘કૌન બનેગા કરોડપતિ’ની હાલ ૧૬મી સીઝન ચાલી રહી છે. જેમાં અમિતાભ બચ્ચનના જન્મ દિવસના સંદર્ભે એક ખાસ એપિસોડ શૂટ કરવામાં આવ્યો હતો. જેમાં આમિર ખાન તેના દિકરા જુનૈદ સાથે હોટ સીટ પર જોવા મળ્યો હતો.

ત્યારે આમિરે અમિતાભને જયા બચ્ચન અંગે એક એવો સવાલ પૂછ્યો કે અમિતાભ એ સાંભળીને સ્તબ્ધ થઈ ગયા હતા.સોની દ્વારા ઇન્સ્ટાગ્રામ પર એક વીડિયો શેર કરવામાં આવ્યો હતો. આમિરે મિતાભને કહ્યું, “મારી પાસે તમારા માટે એક સુપર ડુપર સવાલ છે.” તો અમિતાભ એ સાંભળવા ઉત્સુક હતા.

પછી આમિરે પૂછ્યું,“જ્યારે જયાજી શૂટિંગ માટે જતાં હતાં, કોઈ બીજા હિરો સાથે, તો એ કયો હિરો હતો જેનું નામ સાંભળીને તમને તકલીફ થતી હતી અને ઇર્ષ્યા થતી હતી કે, “હમમ..અચ્છા.””આ સાંભળીને અમિતાભ સ્તબ્ધ થઈ ગયા હતા અને પછી હસી પડ્યા હતા. તેમાં જુનૈદ પણ હસી પડ્યો હતો.

આ વીડિયો શેર કરતાં તેની સાથે કૅપ્શનમાં લખવામાં આવ્યું છે કે,“મહાનાયકના જન્મ ઉત્સવ પર કરી આમિર ખાને કેટલીક જુની યાદો તાજા. જુઓ કૌન બનેગા કરોડપતિ ૧૧ ઓક્ટોબર, રાત્રે ૯ વાગે માત્ર સોની ટીવી પર.” આ ૧૧ ઓક્ટોબરે અમિતાભ ૮૨ વર્ષ પૂરા કરશે.

આ પહેલાં પણ સોની દ્વારા અન્ય એક વીડિયો શેર કરવામાં આવ્યો હતો. જેમાં વૅનિટીમાંથી બહાર નીકળીને આમિર અને જુનૈદ કેબીસીના સેટ પર પ્રવેશ કરી રહ્યા હોય છે. તેમાં કૅમેરા સામે જોઈને આમિર કહે છે, “શશશ…અમિતજીને ખબર ન પડવી જોઈએ કે અમે લોકો આજે શો પર છીએ. કહેતા નહીં હો..”SS1MS