સાઉથ ફિલ્મ ઈન્ડસ્ટ્રીઝના અલ્લુ અર્જુનને કોરોના થયો
અલ્લુ અર્જુને તેમના ઓફિશિયલ ઇન્સ્ટાગ્રામ એકાઉન્ટ પર પોતાને કોરોના વાયરસથી ચેપગ્રસ્ત હોવાનું જણાવ્યું છે
મુંબઈ, કોરોના વાયરસની બીજી લહેરનો કહેર દરરોજ વધી રહ્યો છે. આમ લોકોથી લઈને ખાસ સુધી દેશની અનેક મોટી હસ્તીઓ આ કોરોના વાયરસનો શિકાર બની રહી છે. આ વખતે બોલિવૂડ નહીં પરંતુ સાઉથના તેલુગુ સુપર સ્ટાર અલ્લુ અર્જૂન કોરોનાની પકડવામાં આવી ગયો છે.
આ માહિતી ખુદ અભિનેતાએ સોશિયલ મીડિયા દ્વારા આપી છે. અલ્લુ અર્જુને તેમના ઓફિશિયલ ઇન્સ્ટાગ્રામ એકાઉન્ટ પર એક નિવેદન જાહેર કર્યું છે. આ નિવેદનમાં, તેમણે પોતાને કોરોના વાયરસથી ચેપગ્રસ્ત હોવાનું જણાવ્યું છે. અલ્લુ અર્જુને પોતાના નિવેદનમાં કહ્યું છે કે ‘હું કોરોના પોઝીટીવ આવ્યો છુ અને મેં મારી જાતને ઘરે જ આઇસોલેટ કરી દીધી છે
તેમજ બધા પ્રોટોકોલ ફોલો કરી રહ્યો છુ. જે લોકો મારા સંપર્કમાં આવ્યા છે તેઓ પોતાનો ટેસ્ટ કરાવી લે. ઘરે રહો અને સુરક્ષિત રહો જ્યારે પણ ચાન્સ મળે વેક્સિન લઇ લો. મારી ચિંતા ન કરતા મને સારુ છે. છેલ્લા કેટલાક દિવસોથી આ અભિનેતા પોતાના ગીત ‘સીટી માર’ના કારણે ચર્ચામાં આવ્યો છે.
તેનુ આ ગીત સલમાન ખાનની ફિલ્મ રાધેમાં ઉપયોગ થયુ છે. સલમાન ખાને આ હિટ ગીત માટે અલ્લુ અર્જૂનની પ્રસંશા પણ કરી છે. વળી અલ્લુ અર્જૂને સોશિયલ મીડિયા દ્વારા દબંગ ખાનને થેન્ક્યૂ કહ્યુ છે. કોરોનાએ બોલિવૂડ સ્ટાર્સને પણ ચપેટમાં લીધા છે. અગાઉ રણબીર કપૂર, મનોજ બાજપેયી, પરેશ રાવલ, સંજય લીલા ભણસાલી, આલિયા ભટ્ટ સહિત અનેક કલાકારો કોરોના સંક્રમિત થયા છે ત્યાર બાદ હવે અક્ષય કુમાર પણ કોરોના વાયરસનો ભોગ બન્યો હતો.
