વિદેશ મંત્રી ચાર દિવસના અમેરિકાના પ્રવાસે જશે
નવીદિલ્હી: ભારતના વિદેશ પ્રધાન એસ. જયશંકર આવતા સપ્તાહે, ૨૪ મેના રોજ અમેરિકાની મુલાકાત લેશે. એસ જયશંકરનો આ પ્રવાસ ચાર દિવસનો રહેશે, જયશંકર ૨૪ મેના રોજ અમેરિકા રવાના થશે અને ૨૮ મેના રોજ પરત ફરશે. શુક્રવારે વિદેશ મંત્રાલય દ્વારા આ માહિતી આપવામાં આવી છે. મળતી માહિતી મુજબ બંને દેશો વચ્ચે કોરોના કટોકટી, રસી સહિતના કેટલાક મહત્વપૂર્ણ મુદ્દાઓ પર આ મુલાકાત દરમિયાન ચર્ચા થઈ શકે છે.
ભારતના વિદેશ પ્રધાન એસ જયશંકર પણ આ મહિને બ્રિટનની મુલાકાતે આવ્યા છે. જયશંકર ૩ મેના રોજ લંડન જી -૭ દેશોના વિદેશ પ્રધાનોની બેઠકમાં ભાગ લેવા પહોંચ્યા હતા. વિદેશ મંત્રી એસ. જયશંકરે જી -૭ દેશોના વિદેશ પ્રધાનોની બેઠકમાં ભાગ લીધા બાદ યુકેના વિદેશ પ્રધાન સાથે દ્વિપક્ષીય વાટાઘાટો પણ કરી હતી. બેઠકમાં કોરોના કટોકટી સહિત ઘણા મહત્વપૂર્ણ મુદ્દાઓ પર ચર્ચા કરવામાં આવી હતી.
