વર્લ્ડ બેંકે અફઘાનિસ્તાનને મળતી આર્થિક સહાય રોકી!
કાબુલ, અફઘાનિસ્તાનમાં તાલિબાનના કબજા બાદ ગભરાટનું વાતાવરણ છે. અત્યાર સુધી મોટાભાગના દેશોએ તાલિબાની શાસનને મંજૂરી આપી નથી અને આ દરમિયાન હવે વિશ્વ બેન્કે પણ મોટી કાર્યવાહી કરી છે. વિશ્વ બેંકે અફઘાનિસ્તાનને અપાતી આર્થિક સહાય અટકાવી દીધી છે. વિશ્વ બેંકના પ્રવક્તાએ આ માહિતી આપી છે.
અગાઉ અમેરિકાએ પણ જાહેરાત કરી હતી કે તે અમેરિકામાં રહેલું અફઘાનિસ્તાનનું સોનું અને ચલણ અનામતને તાલિબાનના કબજામાં નહીં જવા દે. અફઘાનિસ્તાનની અમેરિકામાં ૭૦૬ અબજ રૂપિયાની સંપત્તિ છે. આંતરરાષ્ટ્રીય નાણાકીય ભંડોળ (આઇએમએફ)એ પણ અફઘાનિસ્તાનને આર્થિક સહાય અટકાવી દીધી છે.
આઇએમએફે તાલિબાનના અફઘાનિસ્તાનમાં તેના સંસાધનોના ઉપયોગ પર પ્રતિબંધ મૂક્યો હતો. ઈન્ટરનેશનલ મોનેટરી ફંડે અફઘાનિસ્તાનને ૪૬૦ મિલિયન અમેરિકી ડોલર અથવા ૪૬ મિલિયન ડોલરના ઈમરજન્સી રિઝર્વને પણ અટકાવી દેવાની જાહેરાત કરી હતી, કારણ કે દેશ પર તાલિબાનના નિયંત્રણથી અફઘાનિસ્તાનના ભવિષ્ય માટે અનિશ્ચિતતા સર્જાઈ છે. વિશ્વ બેંક પાસે હાલમાં અફઘાનિસ્તાનના બે ડઝનથી વધુ પ્રોજેક્ટ ચાલી રહ્યા છે. બેંકની વેબસાઇટ પર ઉપલબ્ધ માહિતી અનુસાર, ૨૦૦૨ થી વિશ્વ બેન્કે અફઘાનિસ્તાનને ૫.૩ અબજ ડોલરની આર્થિક સહાય આપી છે.HS
