રેલ્વે પોલીસની ટીમે ૫૦ દારૂની થેલીઓ સાથે બુટલેગરને પકડ્યો
અમદાવાદ મંડળની આરપીએફ ટીમે બુટલેગરને ઝડપ્યો
અમદાવાદ, યાત્રીઓના જીવન અને સામાનની સુરક્ષા માટે અમદાવાદ મંડળના રેલ્વે સુરક્ષાબળ (આરપીએફ) ના જવાન હંમેશા અગ્રણી રહે છે. આરપીએફ વિભિન્ન સ્ટેશનો પર ચોરો અને સન્ધિગોને પકડીને રેલ્વે કેમ્પસ સ્ટેશનો અને ટ્રેનોમાં ગુનાહોની રોકથામ માટે હંમેશા પ્રયત્નશીલ રહે છે.
મંડળ રેલ પ્રવક્તાએ માહિતી આપતા જણાવ્યું કે ૨૧ સપ્ટેમ્બર ૨૦૨૧ એ અમદાવાદ રેલ્વે સ્ટેશન પર મારી મિત્ર મહિલા કોન્સ્ટેબલ સુનીતા સિંઘલ અને સુનીતા દેવીને પ્લેટફોર્મ નંબર ૩ પર શાંતિ એક્સપ્રેસના ડી-૧ કોચના બાથરૂમમાં એક શંકાસ્પદ વ્યક્તિ નજરે પડ્યો.
જેની સૂચના એમણે ડ્યુટી પર રહેલા સબ ઇન્સ્પેક્ટર (આરપીએફ) ઋચા રેપ્સવાલ અને પિયુષ ચોધરીને આપી. તેમણે સ્થળ પર પહુચીને શંકાસ્પદ વ્યક્તિની પૂછપરછ કરી, ત્યારે તેનું નામ કમલેશ પ્રેમ કુમારના પુત્ર નિવાસી મહેમદાવાદ હોવાનું જણાવવામાં આવ્યું.
તેની પાસેથી તપાસ કરતા નજીકમાં રાખવામાં આવેલી પ્લાસ્ટિકની થેલીમાંથી ૨૦૦ મિલીલીટરની ૫૦ દારૂની થેલીઓ મળી આવી હતી. તેની પૂછપરછ કરતા જણાવ્યું કે તે દારૂનો થેલો મહેમદાવાદ સિટી વિસ્તારમાં લઈ જઈને વેચવા જઈ રહ્યો છે આરોપી વ્યક્તિને આગળની કાર્યવાહી માટે સામાન સાથે સરકારી રેલ્વે પોલીસ (જીઆરપી) અમદાવાદને સોંપવામાં આવ્યો હતો.
