હરિયાણા અને ઉત્તર પ્રદેશ સરકારોએ મૃતક ખેડૂતોના પરિવારોને વળતર આપવા માટે સૈદ્ધાંતિક સંમતિ આપી
નવીદિલ્હી, હરિયાણાના મુખ્યપ્રધાન મનોહર લાલે ખેડૂતોના ધરણા સ્થળેથી ઉભા થવાના ર્નિણયનું સ્વાગત કર્યું છે. તેમણે કહ્યું કે ખેડૂતોનું આંદોલન સમાપ્ત થયા બાદ ખેડૂતો પર નોંધાયેલા કેસ પાછા ખેંચવા માટે વાતચીત ચાલી રહી છે. વહીવટી સુધારણા વિભાગની ૧૫મી બેઠક બાદ પત્રકારો સાથેની વાતચીત દરમિયાન મુખ્યમંત્રીએ આ વાત કહી હતી. તેમણે કહ્યું કે ખેડૂતોના આંદોલન દરમિયાન જે લોકોની મૃત્યુ યાદી ખેડૂતો દ્વારા આપવામાં આવી છે તેની પોલીસ વિભાગ દ્વારા ચકાસણી કરવામા ં આવશે.
એવું કહેવાય છે કે વેરિફાઈડ લિસ્ટના આધારે જ વળતર આપવામાં આવશે. હરિયાણા અને ઉત્તર પ્રદેશ સરકારોએ મૃતક ખેડૂતોના પરિવારોને વળતર આપવા માટે સૈદ્ધાંતિક સંમતિ આપી છે. મનોહર લાલે ખેડૂતો સામે દાખલ કરાયેલા કેસ પાછા ખેંચવા અંગે પૂછવામાં આવેલા પ્રશ્નનો પણ જવાબ આપ્યો હતો. તેમણે કહ્યું કે હરિયાણાના તમામ ડેપ્યુટી કમિશનર, પોલીસ અધિક્ષક અને સંબંધિત અધિકારીઓ સાથે મળીને રિપોર્ટ તૈયાર કરશે.
સીએમએ કહ્યું કે રિપોર્ટમાં ખબર પડશે કે કેટલા કેસ તાત્કાલિક પાછા ખેંચી શકાય છે. કોર્ટમાં ગયેલા કેસોનું વર્ગીકરણ કરવામાં આવશે અને અલગ-અલગ સમયે તેમને પાછા ખેંચવાની કામગીરી કરવામાં આવશે. ટોલ અંગે તેમણે જણાવ્યું હતું કે ખેડૂતોના આંદોલનને કારણે અત્યાર સુધી જે ટોલ બંધ હતા તે ટૂંક સમયમાં ખુલશે અને ટોલના દરમાં કોઈ વધારો કરવામાં આવશે નહીં.
મોદી સરકાર દ્વારા લાવવામાં આવેલા કૃષિ કાયદા વિરુદ્ધ ખેડૂતોનું આંદોલન ચાલી રહ્યું હતું. તે ૨૬ નવેમ્બર ૨૦૨૦ ના રોજ શરૂ થયું. જ્યારે ૧૯ નવેમ્બર ૨૦૨૧ના રોજ વડાપ્રધાન મોદીએ પોતે જ તેને પરત લેવાનો ર્નિણય કર્યો હતો. ત્યારબાદ ખેડૂતોને લેખિત આશ્વાસન આપ્યા બાદ અને એમએસપી ગેરંટી, વીજળી બિલ, પરાળ સંબંધિત બાબતો જેવા મુદ્દાઓ પર ચર્ચા કરવા માટે એક સમિતિની રચના કર્યા પછી, સંયુક્ત કિસાન મોરચાએ ૩૭૮ દિવસ પછી આંદોલન પાછું ખેંચવાનો ર્નિણય કર્યો. હવે ખેડૂતો દિલ્હી બોર્ડરથી પોતાના ઘરે જઈ રહ્યા છે.HS
