કાકા સાથેના પ્રેમમાં મહિલાએ ત્રણ વર્ષની બાળકીની હત્યા કરી
પોલીસની સઘન કાર્યવાહીથી આરોપીને ઝડપી લેવાઈ
મહેસાણા, મહેસાણામાં ક્રૂર માતાની કરતૂત સામે આવી છે, જેમાં ૨૮ વર્ષની મહિલાએ પોતાની ત્રણ વર્ષની માસૂમ દીકરીની કથિત હત્યા કરી નાખી છે. આ ઘટનામાં મહિલા હત્યા બાદ પોતના કાકા સાથે ફરાર થઈ ગઈ હતી. આ હત્યામાં મહિલાના કાકાની પણ સંડોવણી સામે આવી છે.
પોલીસે આ કથિત હત્યા કેસમાં મહિલા તથા તેના કાકાની મહેસાણાથી ધરપકડકરી લીધી છે. આ કેસમાં સ્નિફર ડોગની મહત્વની ભૂમિકા રહી છે કે જેના કારણે પોલીસે આરોપી માતા સુધી પહોંચી શકી છે. હવે આ કેસમાં તપાસ બાદ કેટલાક મહત્વના ખુલાસા થવાની સંભાવના વ્યક્ત કરાઈ રહી છે.
પોલીસ સૂત્રો દ્વારા જણાવ્યા પ્રમાણે ૨૮ વર્ષની રાધિકા સાંગલા અને તેના કાકા વિનોધ મંદોરે પોતાનું પ્રેમ પ્રકરણ જાહેર ના થઈ જાય તે માટે કથિત રીતે ત્રણ વર્ષની સોનાક્ષીને ગળું દબાવીને મારી નાખી હતી. આ કેસમાં સ્નિફર ડોગની મહત્વની ભૂમિકા રહી છે,
મહેસાણા એ ડિવિઝન પોલીસે જણાવ્યું છે કે, સ્નિફર ડોગ બાળકીની હત્યા માટે જે દુપટ્ટો વાપરવામાં આવ્યો હતો તેની ગંધ પારખીને સ્નિફર ડોગ મૃતક બાળકીની માતા રાધિકા પાસે પહોંચી ગયો હતો. આ કેસમાં પોલીસ ઈન્સ્પેક્ટર જીતેન્દ્ર પટેલે જણાવ્યું કે, પોલીસ કંટ્રોલરૂમને એવો સંદેશો મળ્યો હતો કે સોનાક્ષી મંગળવારે રાત્રે ગૂમ થઈ ગઈ હતી.
આ સંદેશો મળતા પોલીસે તાત્કાલિક કાર્યવાહી શરુ કરી હતી, કેસની ગંભીરતાને જાેતા સિનિયર અધિકારીઓ પણ જાેડાયા હતા. પોલીસને તપાસ દરમિયાન બાળકીનો મૃતદેહ મળી આવ્યો હતો. મહેસાણામાં ગોકુલધામ ફ્લેટ પાછળથી બાળકીના મૃતદેહની સાથે તેના ગળામાં દુપટ્ટો પણ લપેટાયેલો હતો.
આ કેસમાં પોલીસ ઈન્સ્પેક્ટરે જણાવ્યું કે, બાળકીનો મૃતદેહ મળ્યા બાદ માતાના હાવભાવ પરથી પોલીસને તેના પર વધારે શંકા ગઈ હતી. બાળકીના ગળામાં રહેલા દુપટ્ટાના આધારે હત્યારી વ્યક્તિને ઝડપી પાડવા માટે સ્નિફર ડોગનો ઉપયોગ કર્યો ત્યારે ૨૦ લોકોને એક સાથે ઘટના સ્થળ પર ઉભા રાખવામાં આવ્યા હતા.
જેમાંથી સ્નિફર ડોગ મૃતક બાળકીની માતા રાધિકા પાસે જઈને ઉભો રહી ગયો હતો અને ભસવાનું શરુ કરી દીધું હતું. પોલીસ સૂત્રોના જણાવ્યા પ્રમાણે, તપાસમાં જાણવા મળ્યું કે બાળકી સોનાક્ષીની હત્યા મંગળવારે રાત્રે ૧૧ વાગ્યાથી બુધવારે સવારે ૩ વાગ્યા વચ્ચે કરવામાં આવી હતી.
પોસ્ટમોર્ટમમાં મૃત્યુનો ચોક્કસ સમય જાણી શકાશે અને તેના માટે રાહ જાેવાઈ રહી છે. આરોપી મહિલા બાળકી સોનાક્ષીની માતા જ હોવાનું પ્રાથમિક તપાસમાં સાબિત થતા તેની પૂછપરછ શરુ કરવામાં આવી હતી. જેમાં આરોપી માતા રાધિકા ભાંગી પડી હતી અને પોતે કરેલો ગુનો કબૂલી લીધો હતો.
મહિલાએ પોલીસને જણાવ્યું કે, તેના ૨૬ વર્ષના કાકાના સાથે સંબંધ હતા, અને બન્ને ભાગી જવાની ફીરાકમાં હતા. જેથી તેમણે સોનાક્ષીની હત્યાનો પ્લાન બનાવ્યો હતો. બુધવારે રાત્રે મહિલાની હત્યા કેસમાં ધરપકડ કરવામાં આવી છે. રાધિકા ધોળકાની રહેવાસી છે અને તે ત્યાં પોતાના પતિ સાથે રહેતી હતી.
જાેકે, ઝઘડાના કારણે તેણે પોતાના પતિને છોડી દીધો હતો. તે પાછલા ચાર મહિનાથી મહેસાણામાં રહેવા માટે આવી ગઈ હતી. જ્યાં તેની મુલાકાત તેના કાકા વિનોદ સાથે થઈ હતી, આ પછી બન્ને જણા પ્રેમમાં પડ્યા હતા.
