જાણીતા અભિનેતાએ ઈશાને એકલી મળવા બોલાવી હતી
મુંબઇ, ઈશા કોપિકર બોલિવુડ ઈન્ડસ્ટ્રીમાં કમબેક કરવા માટે તૈયાર છે. એક્ટ્રેસ પાસે કેટલાક પ્રોજેક્ટ છે, જે આ વર્ષે રિલીઝ થવાના છે. એક થા દિલ એક થી ધડકન, ફિઝા, પ્યાર ઈશ્ક ઔર મહોબ્બત, કંપની, કાંટે, પિંજર અને દિલ કા રિશ્તા જેવી ફિલ્મોમાં કામ કરનારી ઈશા કોપિકર ૯૦ના દશકાની પોપ્યુલર એક્ટ્રેસમાંથી એક હતી.
હિટ આઈટમ સોન્ગ ‘ખલ્લાસ’ આપનારી એક્ટ્રેસે ૨૦૦૯માં તિમ્મી નારાંગ સાથે લગ્ન કર્યા હતા અને દીકરીના જન્મ બાદ તે ફિલ્મી પડદાથી દૂર થઈ ગઈ હતી. હાલમાં આપેલા ઈન્ટરવ્યૂમાં તેણે તેની કરિયરના શરૂઆતના દિવસો યાદ કર્યા હતા અને ઘણા પ્રોજેક્ટ ગુમાવવા પાછળના ચોંકાવનારા કારણનો ખુલાસો પણ કર્યો હતો.
એક કિસ્સા વિશે વાત કરતા ઈશા કોપિકરે જણાવ્યું હતું કે, વર્ષ ૨૦૦૦ના મધ્યમાં એક જાણીતા પ્રોડ્યૂસરે તેને ફોન કર્યો હતો અને હીરોની ‘ગુડ બૂક’માં સામેલ થવા માટે કહ્યું હતું. ‘મેં હીરોને ફોન કર્યો હતો, જેણે મને તેના ઘરે એકલી મળવા માટે બોલાવી હતી. તે સમયે તેના પર વિશ્વાસઘાતનો આરોપ લાગ્યો હતો, તેથી મને સ્ટાફને લીધા વગર આવવા કહ્યું હતું’, તેમ ઈશા કોપિકરે જણાવ્યું હતું.
તેણે ઉમેર્યું હતું કે, તેણે પ્રોડ્યૂસરને ફોન કર્યો હતો અને તે ટેલેન્ટ તેમજ ગુડ લૂકના કારણે ઈન્ડસ્ટ્રીમાં હોવાનું કહ્યું હતું. આ સિવાય જાે કોઈ તેને સારુ કામ આપશે તો તે સારુ રહેશે તેમ પણ કહ્યું હતું. ઈશા કોપિકરે તેને ફિલ્મમાંથી બહાર કરાઈ હોવાનું સ્વીકાર્યું હતું.
ઈશા કોપિકરે તે વાતની પણ પુષ્ટિ કરી હતી કે, એન્ટરટેન્મેન્ટ ઈન્ડસ્ટ્રીમાં કેમ્પ અને નેપોટિઝમ ચાલે છે. તેણે સ્વીકાર્યું હતું કે, તે નો-નોનસેન્સ ગર્લ છે અને તેના આ જ એટિટ્યૂડના કારણે ઘણા પ્રોજેક્ટ હાથમાંથી ગયા હતા. ઈશા કોપિકરે હિંદી સિવાય કેટલીક મરાઠી, કન્નડ અને તેલુગુ ફિલ્મમાં પણ કામ કર્યું છે. છેલ્લે તે ૨૦૧૯માં વેબ સીરિઝ ફીક્સરમાં જાેવા મળી હતી.SSS
