શેરબજારમાં કડાકા સાથે સેન્સેક્સ ૭૦૦ અંક તૂટ્યો,નિફટી પણ ૨૦૦ પોઇન્ટનો ઘટાડો
મુંબઇ, શેરબજાર આજે ફરી ઘટાડા સાથે ખુલ્યું છે અને વૈશ્વિક શેરબજારોના ખરાબ સેન્ટિમેન્ટની અસર સ્થાનિક શેરબજાર પર પણ પડી છે. રશિયા અને યુક્રેન વચ્ચે ચાલી રહેલા યુદ્ધની અસર સ્થાનિક શેરબજારો પર જાેવા મળી રહી છે અને તે ઘટાડા સાથે ખુલી રહ્યા છે.
ગઈકાલે અમેરિકી બજારોમાં મજબૂત ઘટાડા સાથે વેપાર બંધ થયો છે અને તેની અસર ભારતીય શેરબજાર પર પણ જાેવા મળી રહી છે.
સેન્સેક્સ આજે ૬૧૮ પોઈન્ટથી વધુના ઘટાડા સાથે ૫૫,૬૨૯ પર ખુલ્યો હતો અને નિફ્ટીએ ૨૦૦થી વધુ પોઈન્ટના ઘટાડા સાથે શરૂઆત કરી હતી. સેન્સેક્સ બાદ નિફ્ટી પણ ૨૦૦ અંકના ઘટાડા સાથે ૧૬૫૯૩ પર ખુલ્યો છે.
બજાર ખુલ્યાની ૧૦ મિનિટની અંદર બજારમાં થોડી રિકવરી આવી છે અને તે માત્ર ૧૩૦ પોઈન્ટ્સ નીચે છે. જેમાં રાત્રે ૯.૨૫ કલાકે ૧૬,૬૬૩ પર કારોબાર જાેવા મળી રહ્યો છે. મિડકેપ શેર પણ તેજીની રેન્જમાં ટ્રેડ થઈ રહ્યા છે, જે ખરીદીના સંકેતો દર્શાવે છે.
બીએસઈના સેક્ટરની વાત કરીએ તો મેટલ, ઓઈલ એન્ડ ગેસ, પાવર એન્ડ એનર્જી, હેલ્થકેર, ઓટો અને પીએસયુ બેન્કો હાલમાં સારી ગતિ સાથે ટ્રેડ થઈ રહી છે. બીજી તરફ ઓટો અને ફાઇનાન્શિયલ સર્વિસ સેક્ટરના શેરમાં ઘટાડો જાેવા મળી રહ્યો છે.
બેંક નિફ્ટી આજે લગભગ ૮૦૦ પોઈન્ટના ઘટાડા સાથે ખુલ્યો હતો, પરંતુ બજારમાં વેપાર વધવાથી તેમાં થોડી રિકવરી જાેવા મળી રહી છે. બજાર ખુલતા સમયે બેન્ક નિફ્ટીના ૧૦ શેર ૧૨ના ઘટાડા સાથે ટ્રેડ થઈ રહ્યા હતા, પરંતુ હવે તેમાં સુધારો જાેવા મળી રહ્યો આજે બજાર ખુલે તે પહેલા બજારની શરૂઆત પહેલા જ સેન્સેક્સ ૬૦૦ પોઈન્ટથી વધુ તૂટ્યો હતો. સેન્સેક્સ ૬૨૯.૨૮ અંક એટલે કે ૧.૧૨ ટકા ઘટીને ૫૫,૬૧૮ પર આવી ગયો છે. એનએસઇનો નિફ્ટી ૨૦૦ અંક ઘટીને ૧૬૫૯૩ પર ટ્રેડ કરી રહ્યો છે.HS
