જૂના વાહનો પર HSRP નંબર પ્લેટ લગાવવાની અને PUC સેન્ટરની અરજી કરવાની મુદત ૩૦ ઓકટોબર સુધી લંબાવાઈ
file
કેન્દ્રીય મોટર વાહન નિયમોમાં કરેલી જોગવાઈ અનુસાર તમામ વાહનો પર હાઈ સીકયુરીટી નંબર પ્લેટ (HSRP) લગાવવી ફરજીયાત છે. રાજયમાં જૂના વાહનો પર આ નંબર પ્લેટ લગાવવા માટેની આખરી તારીખ ૧૬-૧૦-૨૦૧૯ જાહેર કરાઈ હતી, પરંતુ નાગરિકોના વધુ પડતા ઘસારાને ધ્યાને લઈ નાગરિકોની સગવડતાના હેતુસર ઉચ્ચ સ્તરીય બેઠકને અંતે રાજય સરકાર દ્વારા આ મુદત ૩૦ ઓક્ટોબર ૨૦૧૯ સુધી લંબાવાઈ છે.
તે ઉપરાંત રાજ્ય સરકાર દ્વારા નવા મોટર વાહન કાયદા અનુસંધાને રાજ્યમાં પોલ્યુશન અંડર કંટ્રોલ પી.યુ.સી સેન્ટરોની સંખ્યામાં વધારો કરવા માટે તાજેતરમાં નવા ૧૧૦૦ જેટલા પી.યુ.સી સેન્ટર કરવા નક્કી કરવામાં આવ્યું છે. નાગરિકોની સરળતા માટે પી.યુ.સી સેન્ટરના પરવાના મેળવવા માટેની મુદતની અંતિમ તારીખ પણ લંબાવવાનો નિર્ણય લેવામાં આવ્યો છે. લાયકાત ધરાવતા અરજદારો એ આ પીયુસી સેન્ટરના લાયસન્સ મેળવવા માટે આરટીઓ/ એઆરટીઓ કચેરી ખાતે તા.૩૦ ઓક્ટોબર ૨૦૧૯ સુધીમાં અરજી કરવાની રહેશે. જેની નોંધ લેવા વાહન વ્યવહાર કમિશ્નરશ્રી દ્વારા યાદીમાં જણાવાયુ છે.
