ખરાબ વર્તન બદલ જેસન રોય પર બે મેચનો પ્રતિબંધ
નવી દિલ્હી, ઈંગ્લેન્ડના વિસ્ફોટક ઓપનર બેટ્સમેન જેસન રોયપર ઈંગ્લેન્ડ એન્ડ વેલ્સ ક્રિકેટ બોર્ડ (ઈસીબી) બે મેચો માટે પ્રતિબંધ લગાવી દીધો છે. એટલું જ નહી ઈસીબીએ પ્રતિબંધ લગાવવા ઉપરાંત રોય પર ૨,૫૦૦ યુરોનો દંડ પણ ફટકાર્યો છે.
જણાવી દઈએ કે, ઈંગ્લેન્ડ ક્રિકેટ બોર્ડે મંગળવારે એક નિવેદન આપીને જણાવ્યું હતું કે, રોય પર પ્રતિબંધ અને દંડ તેમના ખરાબ વ્યવહારને કારણે લગાવવામાં આવ્યો છે. તેની સાથે જ બોર્ડે એ ચેતવણી પણ આપી છે કે, જાે તેમના વ્યવહારમાં સુધારો નહીં થાય તો આ પ્રતિબંધ ૧૨ મહીનાનું પણ થઈ શકે છે.
તમને જણાવી દઈએ કે, આ અગાઉ આઈપીએલ(આઈપીએલ ૨૦૨૨) માટે ગુજરાત ટાઈટન્સ દ્વારા ખરીદવામાં આવેલ રોયએ બાયો બબલનો હવાલો આપતા લીગની ૧૫મી સીઝનમાંથી પોતાનું નામ પરત ખેંચી લીધું હતું. ઈસીબી (ઈસીબી)એ કહ્યું કે, જેસન રોયે સ્વીકાર કર્યો છે કે, તેનું વર્તન ક્રિકેટના હિતમાં ન હતું અને તેનાથી ક્રિકેટ, ઈસીબીઅને પોતાની છબીને નુકસાન પહોંચ્યું છે.
જેસને ઈસીબીના નિર્દેશ ૩.૩નું ઉલ્લંઘન કર્યું છે. આ ઉપરાંત તેમના પર ૨,૫૦૦નો દંડ ફટકારવામાં આવ્યો છે અને તેમણે આ દંડ ૩૧ માર્ચ ૨૦૨૨ સુધીમાં ભરવાનો રહેશે.
ગયા વર્ષે સનરાઈઝર્સ હૈદરાબાદ (એસઆરએચ) તરફથી રમનાર જેસન રોયને ગુજરાત ટાઇટન્સે આ સિઝનમાં રૂ. ૨ કરોડની બેઝ પ્રાઈસમાં ખરીદ્યો હતો, જાેકે ઇંગ્લિશ ક્રિકેટ બોર્ડ દ્વારા રોયને આ સજાનું કોઈ કારણ આપવામાં નથી આવ્યું.SSS
