આ વીમા કંપની આપી રહી છે, જેટલી ગાડી ચલાવો તેટલાનું જ વીમા પ્રિમીયમ ચૂકવો
મુંબઈ, HDFC ERGO જનરલ ઈન્સ્યોરન્સ કંપની, એક અગ્રણી ખાનગી ક્ષેત્રની વીમા કંપની છે, તેના ‘Pay as you Drive’ પ્રોગ્રામના પ્રારંભની જાહેરાત કરી; એક વીમા સોલ્યુશન જે પ્રીમિયમના અપફ્રન્ટ ખર્ચને ઘટાડવા માટે અંતર આધારિત વીમો ઓફર કરે છે. HDFC ERGO launches ‘Pay as you Drive’ program to reduce costs of premium
આ નીતિ એવા ગ્રાહકો માટે શ્રેષ્ઠ અનુકુળ રહેશે કે જેઓ ઓછી ડ્રાઇવ કરવાનું પસંદ કરે છે અથવા બહુવિધ કાર ધરાવે છે જેમાંની કેટલીક અન્ય કરતા ઓછી ડ્રાઇવ કરે છે. આ પ્રોગ્રામ, રેગ્યુલેટરી સેન્ડબોક્સ હેઠળ, 10,000 પોલિસી અથવા રૂ. 50 લાખનું પ્રીમિયમ જે પણ વહેલું હોય અને મારુતિ સુઝુકી ઈન્સ્યોરન્સ બ્રોકિંગ પ્રાઈવેટ લિમિટેડ દ્વારા વિશેષરૂપે ઓફર કરવામાં આવે છે.
ઘણા ગ્રાહકો તેમના વાહનોનો વારંવાર ઉપયોગ કરતા નથી અને રોજિંદા વાહન વપરાશકારોની જેમ જ વીમા પ્રિમીયમ ચૂકવે છે. “Pay as you drive” પ્રોગ્રામ કારના વાસ્તવિક વપરાશના આધારે પ્રીમિયમ ચૂકવવાની તક લાવે છે.
વાહનમાં ટેલિમેટિક્સ ઉપકરણની મદદથી ડ્રાઇવિંગનું અંતર માપવામાં આવશે, જે ગ્રાહક દ્વારા પસંદ કરાયેલા અંતરના સ્લેબના આધારે તેમના ‘પોતાના નુકસાન’ પ્રીમિયમના 10-20% વચ્ચે બચત કરવામાં મદદ કરશે.
‘પે એઝ યુ ડ્રાઇવ’ પ્રોગ્રામના લોન્ચ વિશે બોલતા, એચડીએફસી ઇઆરજીઓ જનરલ ઇન્સ્યોરન્સ કંપનીના મોટર બિઝનેસના પ્રેસિડેન્ટ શ્રી પાર્થનિલ ઘોષે જણાવ્યું હતું કે, “અમે હંમેશા ગ્રાહકોની જરૂરિયાતને ધ્યાનમાં રાખીને ઉત્પાદનો અને સેવાઓ પ્રદાન કરવા માટે પ્રતિબદ્ધ છીએ.
‘Pay as you drive’ પ્રોગ્રામ સાથે, અમે બજારમાં એક સુપ્ત જરૂરિયાતને સંબોધિત કરી રહ્યા છીએ, જેમાં કેટલાંક ગ્રાહકો જેઓ ક્યારેક-ક્યારેક તેમની કાર ચલાવે છે તેઓ જોખમના સંસર્ગને અનુરૂપ ઓછું પ્રીમિયમ ચૂકવી શકે છે. આ ટેક્નોલોજી-સક્ષમ સોલ્યુશનથી ગ્રાહકોને કારના ઉપયોગના આધારે મૂલ્ય અને બચત ઓફર કરીને મોટર વીમા સેગમેન્ટમાં નવી પ્રાધાન્યતા સ્થાપિત કરવાની અપેક્ષા છે.”
