ખાનગી સ્કૂલોએ ૧૦%ના વધારા સાથે ફી ઉઘરાવવાનું શરૂ કર્યું
Files Photo
ફી કમિટીની મંજૂરી વગર જાતે જ નિર્ણય લીધો
નિયમ મુજબ કમિટી દ્વારા સ્કૂલની ફીમાં વધારો ન આપવામાં આવે ત્યાં સુધી સંચાલકોએ જૂની ફીની રકમ જ ઉઘરાવવાની હોય છે
અમદાવાદ,
હાલ સ્કૂલોમાં ઉનાળાનું વેકેશન ચાલી રહ્યું છે. નવું શૈક્ષણિક સત્ર શરૂ થવાને હજી ઘણો સમય બાકી છે. જાે કે, આ પહેલા જ સ્કૂલોએ પોતાની રીતે ફીમાં ૧૦ ટકાનો વધારો કરી દીધો છે, આટલું જ નહીં સંચાલકો વાલીઓ પાસેથી ફી પણ ઉઘરાવવા લાગ્યા છે. ફી કમિટી દ્વારા સ્કૂલોમાં નવા શૈક્ષણિક સત્રની ફી નક્કી નથી કરી ત્યાં સ્કૂલોએ ફી કમિટી વધારો મંજૂર કરશે તેમ માની પોતાની રીતે જ ૧૦ ટકાનો વધારો ઝીંકી દીધો છે અને વાલીઓ પાસેથી એડવાન્સ ફીના ચેક પણ લઈ લીધા છે.
નિયમ મુજબ ફ્રી કમિટી દ્વારા દરખાસ્ત કરનારી સ્કૂલોને ૫ ટકા જેટલો ફી વધારો આપતી હોય છે અને ફી વધારો થયા બાદ જ સ્કૂલ નવી ફી ઉઘરાવી શકે તેવું હોવા છતાં સ્કૂલોએ મનમાની શરૂ કરી દીધી છે. મળેલી માહિતી પ્રમાણે, રાજ્યની પ્રાથમિક સ્કૂલોમાં વાર્ષિક પરીક્ષા પૂર્ણ થયા બાદ રિઝલ્ટ તૈયાર કરાયા હતા. શનિવાર સુધીમાં રાજ્યની તમામ સ્કૂલોએ પ્રાથમિક વિભાગના રિઝલ્ટ પણ જાહેર કરી દીધા હતા. હવે, સોમવારથી સત્તાવાર રીતે ઉનાળું વેકેશનનો પ્રારંભ થઈ રહ્યો છે. બીજી બાજુ નવા શૈક્ષણિક સત્રમાં સ્કૂલોની ફી નક્કી કરવા ફી કમિટી દ્વારા સ્કૂલો પાસેથી એફિડેવિટ અને દરખાસ્ત મગાવવાની કામગીરી પણ શરૂ કરી દીધી છે.
નિયમ મુજબ, જ્યાં સુધી ફી કમિટી દ્વારા સ્કૂલની ફીમાં વધારો ન આપવામાં આવ ત્યાં સુધી સંચાલકોએ જૂની ફીની રકમ જ ઉઘરાવવાની હોય છે. જાે કે, ખાનગી સ્કૂલો તો ફી કમિટીના ર્નિણયની પણ રાહ જાેવા માટે રોકાઈ નથી. તેમણે ૧૦ ટકાનો ફી વધારો કરી વાલીઓ પાસેથી ફી પણ ઉઘરાવી લીધી છે. અમદાવાદ શહેરની અનેક સ્કૂલોએ પણ રિઝલ્ટના દિવસે જ વાલીઓ પાસેથી નવા શૈક્ષણિક વર્ષ માટેની ૧૦ ટકા વધારા સાથેની ફીના ચેક લઈ લીધા હતા. આમ, ફી કમિટી દ્વારા સ્કૂલની ફી મંજૂર કરે તે પહેલા જ સ્કૂલોએ પોતાની રીતે ફી વધારો કરી દીધો હોવાનું સામે આવ્યું છે.
મોટાભાગે ફી કમિટી દ્વારા દરખાસ્ત કરનારી સ્કૂલોને વાર્ષિક ૫ ટકા જેટલો ફી વધારો આપવામાં આવતો હોય છે. પરંતુ સ્કૂલો તેના કરતાં પણ વધુ ફી વધારો કરી પૈસા ઉઘરાવી રહી હોવાનું વાલીઓએ જણાવ્યું હતું. વાલીઓએ તેવો પણ આક્ષેપ લગાવ્યો હતો કે, ફી કમિટી દ્વારા સ્કૂલોની ફી નક્કી કરવામાં થોડો વિલંબ કરવામાં આવતો હોય છે. જાે ફી કમિટી સ્કૂલોમાં નવા શૈક્ષણિક સત્રનો પ્રારંભ થાય તે પહેલા ફી નક્કી કરી લેતી હોય તો તેઓ તે મુજબ ફી ભરી શકે. પરંતુ ફી કમિટી દ્વારા મોડું થતું હોવાના લીધે સ્કૂલોને છૂટો દોર મળી ગયો છે.SSS
