સ્વિમિંગ પૂલમાં શ્વાનએ લગાવ્યો અદ્ભુત લોન્ગ જંપ
શ્વાન સ્લો મોશનમાં ઉડતો જાેવા મળ્યો!
વીડિયોને ૧૬ હજારથી વધુ વ્યૂઝ મળ્યા છે, જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે
નવી દિલ્હી,જાે તમે ક્યારેય ટીવી પર અથવા હકીકતમાં લોન્ગ જંપની રમત જાેઈ હોય તો તમને આશ્ચર્ય થયું હશે કે લોકો આટલા દૂર સુધી કેવી રીતે કૂદતા હોય છે. જાે કે તે દેખાવમાં સરળ લાગે છે, પરંતુ તેના માટે સખત મહેનતની જરૂર છે.
તો જ લોકો ઓલિમ્પિક જેવી રમતમાં પ્રદર્શન કરી શકશે. પરંતુ શું તમે ક્યારેય કૂતરાને સ્વિમિંગ પૂલમાં લોન્ગ જંપ મારતો જાેયો છે? હાલમાં જ એક વીડિયો ચર્ચામાં છે જેમાં એક કૂતરો પાણીમાં લાંબી છલાંગ લગાવી રહ્યો છે.
તેના અદ્ભુત વીડિયો માટે ફેમસ સોશિયલ મીડિયા એકાઉન્ટ વાયરલ હોગ પર જાનવરોને લગતા ફની વીડિયો અવારનવાર જાેવા મળે છે. આ વીડિયોમાં પ્રાણીઓની ઘણી મજેદાર અને આશ્ચર્યજનક બાબતો સામે આવે છે. આ દિવસોમાં એક એવો જ વીડિયો વાયરલ થયો છે જેમાં એક કૂતરો સ્વિમિંગ પૂલમાં લોન્ગ જંપ મારી રહ્યો છે. મોટી વાત એ છે કે તેના જમ્પનું અંતર જાેઈને એથ્લીટ પણ શરમાઈ જશે. વીડિયોમાં દેખાતો કાળો અને સફેદ કૂતરો જેક રસેલ જાતિનો છે. તે થોડે દૂરથી દોડીને આવે છે અને પાણીથી ભરેલા સ્વિમિંગ પુલમાં કૂદી પડે છે. આ આખો વિડિયો સ્લો મોશન મોડમાં શૂટ કરવામાં આવ્યો છે, તેથી જમ્પ સ્ટાઇલ એકદમ આકર્ષક લાગે છે.
This is one athletic little Jack Russell! ????????????#viralhog #dogs #jump #amazing pic.twitter.com/9hwzkPRRER
— ViralHog (@ViralHog) May 4, 2022
પાણીમાં કૂદ્યા બાદ તે થોડીવાર માટે પાણીમાં તરતો પણ જાેવા મળે છે. વીડિયોને ૧૬ હજારથી વધુ વ્યૂઝ મળ્યા છે, જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એક વ્યક્તિને આશ્ચર્ય થયું કે આ કૂતરો પાણીમાં મસ્તી કરી રહ્યો છે. તેણે કહ્યું કે તેનો જેક ડેનિયલ કૂતરો પાણીને નફરત કરે છે. એકે કહ્યું કે કૂતરો લાંબા સમય સુધી હવામાં રહ્યો જે ચોંકાવનારો છે. એકે કહ્યું કે હવામાં હોવા છતાં તેની પૂંછડી હલતી હોય તેવું લાગે છે, જે ખૂબ જ સુંદર છે. ઘણા લોકો પોતાના પ્રિયજનોને ટેગ કરીને વીડિયો બતાવી રહ્યા છે. જાે કે, માણસો અને કૂતરા વચ્ચેનો સંબંધ ખૂબ જ ખાસ છે અને આપણે ઘણીવાર તેના દર્શન કરીએ છીએ.sss
