Western Times News

Latest News from Gujarat India

કોન્સર્ટમાં પાકિસ્તાનનો ધ્વજ લહેરાવી રહ્યો હતો ફેન

મુંબઈ, બોલિવૂડ સિંગર અરિજીત સિંહની લોકપ્રિયતા માત્ર ભારત જ નહીં, દુનિયાભરમાં છે. વિશ્વભરમાં કરોડોની સંખ્યામાં લોકો અરિજીત સિંહના ફેન્સ છે. આ જ કારણસોર સિંગરના જ્યારે વિદેશમાં પણ કોન્સર્ટ આયોજિત હોય છે ત્યાં મોટી સંખ્યામાં દર્શકોની ભીડ જાેવા મળે છે.

તાજેતરમાં જ અરિજીત સિંહના આવા એક કોન્સર્ટનો વીડિયો વાયરલ થઈ રહ્યો છે. આ વીડિયો જાેઈને લોકો અરિજીત સિંહના વખાણ કરી રહ્યા છે.

અરિજીત સિંહના અવાજના તો લોકો પ્રશંસક છે જ, પરંતુ આ કોન્સર્ટમાં તેણે જે કર્યું તે જાેઈને તેના સ્વભાવની પણ વાહવાહ થઈ રહી છે. ઉલ્લેખનીય છે કે સિંગર અત્યારે કેનેડા ટૂર પર છે. કેનેડાના એક મુખ્ય શહેર ટોરન્ટોમાં તેનો કોન્સર્ટ ચાલી રહ્યો હતો જેમાં દુનિયાના વિવિધ દેશોના લોકો હાજર રહ્યા હતા. અરિજીત સિંહ પર્ફોમ કરી રહ્યો હતો અને દર્શકો પણ તેના ગીતોની મજા માણી રહ્યા હતા.

એવામાં પાકિસ્તાનના એક પ્રશંસકે પોતાના દેશનો રાષ્ટ્રધ્વજ લહેરાવવાની શરુઆત કરી હતી. સિક્યોરિટી ગાર્ડે જ્યારે જાેયું કે ફેન પાકિસ્તાનનો ધ્વજ લહેરાવી રહ્યો છે તો તેણે રોકવાનો પ્રયત્ન કર્યો. અહીં ખાસ વાત એ છે કે જ્યારે અરિજીતે આ જાેયું તો તે વચ્ચે પડ્યો અને તેણે સિક્યોરિટી ગાર્ડને આદેશ આપ્યો કે તે વ્યક્તિને પોતાના દેશનો ધ્વજ લહેરાવવા દેવામાં આવે.

નોંધનીય છે કે તે સમયે અરિજીત સિંહ પાકિસ્તાની ગાયક કલાકાર નુસરત ફતેહ અલી ખાનનું ગીત તેરે બિન નહીં લગદા ગાઈ રહ્યો હતો, જેના કારણે તે ફેને ધ્વજ લહેરાવ્યો હતો. અરિજીત સિંહની આ પ્રતિક્રિયાને કારણે પાકિસ્તાનના ફેન્સ તો ખુશ થઈ જ ગયા છે, અન્ય લોકો પણ વખાણ કરી રહ્યા છે.

અરિજીત સિંહને હવે કોઈ ઓળખની જરૂર નથી રહી. તેને પ્લેબેક સિંગિંગનો રાજા કહેવામાં આવે છે. માત્ર ભારતમાં જ નહીં, પાકિસ્તાન, બાંગ્લાદેશ અને નેપાળમાં તેની મોટી ફેન ફોલોવિંગ છે. અરિજીત સિંહને અત્યાર સુધી એક નેશનલ અવોર્ડ, છ ફિલ્મફેર અવોર્ડ સહિત અનેક સન્માન મળી ચૂક્યા છે.SS1MS

Copyright © All rights reserved. | Developed by Aneri Developers