આલિયાની ડિલિવરી માટે રણબીરે બુક કરી આખી હોસ્પિટલ
મુંબઈ, પાંચ વર્ષ સુધી એકબીજાને ડેટ કર્યા બાદ આલિયા ભટ્ટ અને રણબીર કપૂરે ૧૪ એપ્રિલ ૨૦૨૨ના રોજ લગ્ન કર્યા હતા. જે બાદ જૂન મહિનામાં આલિયાએ પહેલી પ્રેગ્નેન્સીની જાહેરાત કરી હતી. તેણે સોશિયલ મીડિયા પર અલ્ટ્રાસાઉન્ડની તસવીર શેર કરીને ગુડ ન્યૂઝ દુનિયા સાથે વહેંચ્યા હતા.
હાલ આલિયા ભટ્ટ પોતાના પ્રેગ્નેન્સી પીરિયડને માણી રહી છે. સાથે જ પોતાની કામ પર પણ ધ્યાન આપી રહી છે. હોલિવુડ ડેબ્યૂ ફિલ્મનું શૂટિંગ પૂરું કરીને આલિયા પ્રોડ્યુસર તરીકેની પહેલી ફિલ્મ ‘ડાર્લિંગ્સ’ના પ્રમોશનમાં જાેડાઈ હતી. આ ફિલ્મ રિલીઝ થઈ ગયા બાદ હવે આલિયા ‘બ્રહ્માસ્ત્ર’ને લઈને ચર્ચામાં છે. આ ફિલ્મ દ્વારા આલિયા અને રણબીર પહેલીવાર ફિલ્મી પડદે સાથે જાેવા મળશે.
શનિવારે જ આલિયા-રણબીર ‘બ્રહ્માસ્ત્ર’ના બીજા ગીત દેવા દેવાની પ્રીવ્યૂ ઈવેન્ટમાં પહોંચ્યા હતા. જ્યાં આલિયાનો વધી રહેલો બેબી બંપ જાેવા મળ્યો હતો. આલિયાએ પ્રેગ્નેન્સીની જાહેરાત તો કરી પરંતુ બાળક કયા મહિનામાં જન્મશે તે અંગે કોઈ ખુલાસો નહોતો કર્યો.
એટલે જ ફેન્સ જાણવા માટે ઉત્સુક છે કે ‘બેબી કપૂર’ ક્યારે આવવાનું છે? હવે બોલિવુડ લાઈફના રિપોર્ટ પ્રમાણે, આલિયા ભટ્ટ હાલ ચાર મહિનાની ગર્ભવતી છે અને તે ડિસેમ્બરમાં પહેલા સંતાનને જન્મ આપશે. આલિયા ભટ્ટ હાલ પોતાનું પૂરતું ધ્યાન રાખી રહી છે અને પહેલા બાળકને આવકારવા માટે ઉત્સુક છે. રણબીર કપૂર પણ ‘શમશેરા’ના પ્રમોશન દરમિયાન પિતા બનવાની ઉત્સુકતા જાહેર કરી ચૂક્યો છે.
હવે સામે આવેલી માહિતી અનુસાર, રણબીર અને આલિયાએ મુંબઈના ખાર વિસ્તારની સૌથી પોપ્યુલર હોસ્પિટલ ડિલિવરી માટે બુક કરી લીધી છે. આલિયા ભટ્ટ નિયમિતપણે કોરોના ટેસ્ટ પણ કરાવી રહી છે. હાલ એવું કોઈ જાેખમ નથી પરંતુ કપલ બનતી બધી જ સાવધાની રાખી રહ્યું છે. કપૂર ખાનદાન આવનારા બાળકની આતુરતાથી રાહ જાેઈ રહ્યું છે. તેમણે બાળકના સ્વાગતની તૈયારીઓ પણ કરી લીધી છે.
દાદી બનવા જઈ રહેલા નીતૂ કપૂર પણ ખૂબ ઉત્સાહમાં છે. આલિયાને સાસુ અને મમ્મી તરફથી સમયાંતરે ટિપ્સ પણ મળતી રહે છે તેવો રિપોર્ટમાં દાવો કરવામાં આવ્યો છે.
આલિયા અને રણબીરની ફિલ્મ ‘બ્રહ્માસ્ત્ર’ ૯ સપ્ટેમ્બરે રિલીઝ થવાની છે. એ પહેલા કપલ રવિવારે વહેલી સવારે મુંબઈ એરપોર્ટ પર જાેવા મળ્યું હતું. ત્યારે ફેન્સ અટકળો લગાવી રહ્યા છે કે, ફિલ્મનું પ્રમોશન શરૂ કરતાં પહેલા આલિયા-રણબીર બેબીમૂન પર ગયા છે. વર્કફ્રંટની વાત કરીએ તો, આલિયા પાસે ‘રોકી ઔર રાની કી પ્રેમકહાની’ અને ‘જી લે ઝરા’ જેવી ફિલ્મો છે. જ્યારે રણબીર ‘એનિમલ’ અને લવ રંજનની અનામી ફિલ્મમાં દેખાશે.SS1MS
