અભિનેતા રણબીર કપૂર અને આલિયા ભટ્ટ બ્રહ્માસ્ત્રના પ્રમોશનમાં વ્યસ્ત
મુંબઈ, રણબીર કપૂર અને આલિયા ભટ્ટ અત્યારે પોતાની અપકમિંગ ફિલ્મ બ્રહ્માસ્ત્રના પ્રમોશનમાં વ્યસ્ત છે. આ ફિલ્મ પર પાછલા પાંચ વર્ષથી કામ ચાલી રહ્યું છે. અને આ જ દરમિયાન રણબીર કપૂર અને આલિયા ભટ્ટ એકબીજાથી નજીક આવ્યા અને મિત્રતા આખરે પ્રેમમાં પરિણમી. ફિલ્મ હજી રિલઝ નથી થઈ, પણ આલિયા અને રણબીરે લગ્ન કરી લીધા અને તેઓ ટૂંક સમયમાં માતા-પિતા બનવા જઈ રહ્યા છે.
આ ફિલ્મનો ડાઈરેક્ટર અયાન મુખર્જી છે, જે રણબીર અને આલિયા બન્નેનો ખાસ મિત્ર છે. ઘણીવાર વેકેશન પર આ ત્રિપુટી જાેવા મળી છે.
જાે કે આટલી ગાઢ મિત્રતા હોવા છતાં રણબીર અને આલિયાએ પોતાના રિલેશનશિપની વાત થોડા સમય સુધી અયાનથી પણ છુપાવીને રાખી હતી.
તાજેતરમાં બ્રહ્માસ્ત્રના પ્રમોશન દરમિયાન રણબીર કપૂરે જણાવ્યું કે, આલિયા, અયાન અને મેં ફિલ્મના શૂટ દરમિયાન ઘણો સમય સાથે પસાર કર્યો હતો. આ વર્ષો દરમિયાન અમારી વચ્ચે ઘણું બદલાઈ ગયું છે. અમારી જ્યારે પણ મુલાકાત થતી હતી ત્યારે અયાનના મગજ પર હંમેશા ફિલ્મ છવાયેલી રહેતી હતી.
અમે કોઈ પણ વિષય પર થોડી વાત કરીએ તો અયાન અમારી વાતચીતને થોડી જ વારમાં બ્રહ્માસ્ત્ર તરફ લઈ જતો હતો. રણબીર કપૂરે જણાવ્યું કે, એક સમય જ્યારે આલિયા અને મેં ડેટિંગની શરુઆત કરી તો અમે અયાનને પણ નહોતા જણાવી શક્યા. અમે તેને શરુઆતમાં નહોતુ કહ્યું કે અમે રિલેશનશિપમાં છીએ. અમને ડર હતો કે, ક્યાંક અમારી ડેટિંગની વાત સાંભળીને અયાન નારાજ ના થઈ જાય.
અયાન મુખર્જીએ આ બાબતે કહ્યું કે, જ્યારે રણબીરે પોતાના અને આલિયાના રિલેશન વિશે મને જણાવ્યું તો મારું નોર્મલ રિએક્શન હતું. મને સાંભળીને સારુ લાગ્યું અને મેં એવો જ વ્યવહાર કર્યો જેવો એક બેસ્ટ ફ્રેન્ડનો હોવો જાેઈએ. આલિયા ભટ્ટે સમગ્ર બાબતે પોતાની વાત મૂકતાં કહ્યું , અયાન અને હું ઘણાં ક્લોઝ છીએ. રણબીર કપૂરને ડેટ કરવાની શરુઆત કરી તે પહેલાથી જ અમે લોકો મિત્રો હતા.
અયાને પણ આ વાત સ્વીકારી. રણબીર અને આલિયાના રિલેશનશિપ પહેલાથી જ અયાન અને આલિયા સારા મિત્રો બની ગયા હતા. બ્રહ્માસ્ત્રની વાત કરીએ તો, આ ફિલ્મમાં આલિયા અને રણબીરની સાથે અમિતાભ બચ્ચન, નાગાર્જુન અને મૌની રોય પણ મહત્વની ભૂમિકામાં જાેવા મળશે. ફિલ્મ ૯ સપ્ટેમ્બર ૨૦૨૨ના રોજ સિનેમાઘરોમાં રીલિઝ થવાની છે.SS1MS
