Western Times News

Latest News from Gujarat India

બાંગ્લાદેશે રોહિંગ્યા શરણાર્થીઓને મ્યાનમાર પરત મોકલવા માટે ચીનનો સહયોગ માંગ્યો

ઢાકા, બાંગ્લાદેશે રોહિંગ્યા શરણાર્થીઓને મ્યાનમાર પરત મોકલવા માટે ચીનનો સહયોગ માંગ્યો છે. ચીને દેશ છોડીને બાંગ્લાદેશમાં સ્થાયી થયેલા હજારો રોહિંગ્યા મુસ્લિમોને મ્યાનમાર પરત મોકલવામાં મદદની ખાતરી પણ આપી છે.

હિંસક અથડામણ બાદ રોહિંગ્યા મુસ્લિમો મ્યાનમારમાંથી ભાગી ગયા હતા. રિપોર્ટ અનુસાર બાંગ્લાદેશમાં ૭ લાખથી વધુ રોહિંગ્યા મુસ્લિમો રહે છે. ૨૦૧૭ માં, મ્યાનમારે લઘુમતી જૂથ પર લશ્કરી કાર્યવાહી શરૂ કરી, જે પછી તેઓ બાંગ્લાદેશ ભાગી ગયા.

ચીનના વિદેશ મંત્રી વાંગ યીની મુલાકાત દરમિયાન બાંગ્લાદેશે રોહિંગ્યા શરણાર્થીઓને મ્યાનમાર પરત મોકલવામાં સહયોગની વિનંતી કરી હતી. તે જ સમયે, યીએ દક્ષિણ એશિયાઈ રાષ્ટ્રમાં ઈન્ફ્રાસ્ટ્રક્ચર વિકાસ માટે વધુ સારા વેપાર સંબંધો, રોકાણ અને સમર્થનનું વચન આપ્યું છે.

બાંગ્લાદેશના વિદેશ પ્રધાન એકે અબ્દુલ મોમેને એક ન્યૂઝ કોન્ફરન્સમાં જણાવ્યું હતું કે ચીનના વિદેશ પ્રધાનના જણાવ્યા અનુસાર, રોહિંગ્યા મુસ્લિમોની સંભવિત વાપસી માટે ચીને મ્યાનમારના રખાઈન રાજ્યમાં ૩,૦૦૦ ઘરો બનાવ્યા છે.

બાંગ્લાદેશના મંત્રી મોમેને જણાવ્યું હતું કે શરણાર્થીઓ પાછા ફર્યા પછી ચીન તેમના માટે પ્રારંભિક ખોરાક સહાયની વ્યવસ્થા પણ કરશે. મંત્રીએ કહ્યું કે આપણે ચીનનો આભાર માનવો જાેઈએ કે તેઓ આમ કરવા માટે સંમત થયા છે. તેમણે કહ્યું કે શરણાર્થીઓની ઓળખની ચકાસણી ચાલી રહી છે. અધિકારીઓના જણાવ્યા અનુસાર, મ્યાનમાર અત્યાર સુધીમાં લગભગ ૫૮,૦૦૦ લોકોની ઓળખ કરી ચૂક્યું છે.

બાંગ્લાદેશે કોક્સ બજારના દક્ષિણ-પૂર્વ જિલ્લામાં સ્થિત શિબિરોમાં રહેતા કેટલાક લાખ શરણાર્થીઓનો બાયોમેટ્રિક ડેટા એકત્રિત કર્યો છે.

રોહિંગ્યા ચીને નવેમ્બર ૨૦૧૭ના કરાર માટે મ્યાનમારમાં તેના પ્રભાવનો ઉપયોગ કર્યો હતો જે ઓગસ્ટ ૨૦૧૭માં મ્યાનમારમાં દમનને કારણે દેશ છોડીને ચાલ્યા ગયેલા લગભગ ૭૦૦,૦૦૦ રોહિંગ્યા મુસ્લિમ શરણાર્થીઓના સ્વદેશ પરત ફરવા સાથે સંબંધિત છે.

જાે કે, ચીન-બાંગ્લાદેશનો પ્રયાસ કેટલો સફળ થશે તે જાેવાનું બાકી છે કારણ કે રોહિંગ્યાઓને સ્વદેશ પરત મોકલવાના વારંવાર પ્રયાસો છતાં શરણાર્થીઓએ જાેખમને ટાંકીને મ્યાનમાર પરત ફરવાનો ઇનકાર કર્યો છે. તેમનો દાવો છે કે મ્યાનમારમાં સૈન્ય બળવા પછી સ્થિતિ વધુ ગંભીર બની છે.HS1MS

Copyright © All rights reserved. | Developed by Aneri Developers