શાહરૂખે ત્રિરંગો લહેરાવ્યો તેમ છતાં ટ્રોલર્સનો શિકાર બન્યો
મુંબઈ, શાહરુખ ખાન, આ એક એવું નામ છે જેને દુનિયાભરમાં ઓળખની જરૂર નથી. ભારતની વાત કરવામાં આવે તો શાહરુખ ખાનને અહીં બોલિવૂડનો બાદશાહ અથવા તો બોલિવૂડનો કિંગખાન કહેવામાં આવે છે. અહીં સુધી પહોંચવા માટે શાહરુખ ખાને ચોક્કસપણે ઘણો સંઘર્ષ કર્યો હશે. તેને દર્શકોનો ઘણો પ્રેમ પણ મળ્યો છે.
પરંતુ પાછલા થોડા સમયથી એવી સ્થિતિ જણાઈ રહી છે કે, શાહરુખ ખાનની લગભગ દરેક પ્રવૃત્તિ પર પ્રશ્નો ઉભા થાય છે. ટ્રોલર્સ શાહરુખ ખાન પર નિશાન સાધવા માટે તૈયાર બેઠા હોય છે.
આપણે સૌ જાણીએ છીએ કે આ વર્ષે આઝાદીના અમૃત મહોત્સવના ભાગ રુપે સરકાર તરફથી હર ઘર ત્રિરંગા અભિયાનનું આહ્વાન કરવામાં આવ્યુ હતું. અને સામાન્ય માણસની સાથે સાથે ફિલ્મ ઈન્ડસ્ટ્રીના લોકોએ પણ હોંશભેર તેમાં ભાગ લીધો હતો.
શાહરુખ ખાને પણ પોતાના બંગલા મન્નતના ધાબા પર ધ્વાજારોહણ કર્યુ હતું. તેની સાથે પત્ની ગૌરી ખાન અને બન્ને દીકરા આર્યન અને અબરામ ખાન પણ હાજર રહ્યા હતા. પરંતુ તેમ છતાં શાહરુખ ખાનની દેશભક્તિ પર પ્રશ્નો ઉઠી રહ્યા છે.
શાહરુખ ખાને ત્રિરંગો લહેરાવતો વીડિયો પણ સોશિયલ મીડિયા પર શેર કર્યો હતો અને સાથે કેપ્શન પણ લખ્યુ હતું. પણ ઘણાં લોકોએ શાહરુખ ખાનની આ પોસ્ટ પર અપમાનજનક પોસ્ટ મૂકી છે.
દેશમાં ચોક્કસપણે ૭૫મા સ્વાતંત્ર્ય દિવસની ઉજવણી કરવામાં આવી, પરંતુ દેશના સૌથી મોટા એક્ટર્સમાંથી એક શાહરુખ ખાને રાષ્ટ્રપ્રેમ દર્શાવવા બદલ ટ્રોલર્સનો શિકાર બનવુ પડ્યું. એક યુઝરે શાહરુખ ખાનના વીડિયોની નીચે લખ્યું કે, મુસ્લિમ થઈને ભારતનો ધ્વજ લહેરાવી રહ્યો છે.
આ પ્રકારે ઘણાં લોકો શાહરુખ ખાનની દેશભક્તિને ધર્મ સાથે જાેડી દીધી. નોંધનીય છે કે શાહરુખ ખાન મુસ્લિમ હોવા છતાં તેના બંગલા મન્નતમાં દેશના દરેક તહેવારની ઉજવણી થાય છે. દર વર્ષે તે ગણપતિ સ્થાપના પણ કરે છે અને દિવાળીની પણ ધામધૂમથી ઉજવણી કરવામાં આવે છે. અન્ય એક યુઝરે ધ્વજારોહણને ફિલ્મ પ્રમોશન સાથે પણ જાેડ્યું.
એક યુઝરે લખ્યું કે, આ બધું કરવાથી તારી ફિલ્મ પઠાણ અને ડંકી હિટ નહીં થઈ જાય. અત્યારે આમ પણ ફિલ્મોનો બહિષ્કાર કરવાનો ટ્રેન્ડ ચાલી રહ્યો છે. મોટાભાગની હિન્દી ફિલ્મો આ ટ્રેન્ડના લપેટામાં આવી ગઈ છે. આમિર ખાનની લાલ સિંહ ચઢ્ઢા જ નહીં, અક્ષય કુમારની રક્ષા બંધનને પણ લોકોએ બોયકોટ કરવાની માંગ કરી હતી. ટ્રોલર્સે આમાં આર્યન ખાનને પણ સામેલ કરી લીધો છે.
એક યુઝરે લખ્યું કે, આર્યનને કહો કે ડ્રગ્સ વાળા હાથથી ધ્વજને ટચ ના કરે. સોશિયલ મીડિયા પર એક ટિ્વટ એવી પણ વાયરલ થઈ રહી છે, જેમાં શાહરુખ ખાનની સરખામણી સાઉથના સ્ટાર યશ સાથે કરવામાં આવી રહી છે. અહીં બે તસવીર શેર કરવામાં આવી છે, એકમાં શાહરુખનો પરિવાર છે, જેમણે જૂતા પહેરેલા છે.SS1MS
