દિશા વાકાણી આવશે તારક મહેતા કા ઉલ્ટા ચશ્મામાં પાછી?
મુંબઈ, પોપ્યુલર સીરિયલ તારક મહેતા કા ઉલ્ટા ચશ્માના ફેન્સને ટૂંક સમયમાં જ ખુશખબર મળી શકે છે. ૨૦૧૭થી સીરિયલમાંથી ગાયબ દયાભાભીનું પાત્ર શોમાં ફરીથી જાેવા મળી શકે છે. દયાભાભીના ગરબા અને ‘હે મા માતાજી’ તેમજ ‘ટપ્પુ કે પાપા’ જેવા ડાયલોગ્સ અને તેનું હાસ્ય દર્શકો મિસ કરી રહ્યા છે.
પરંતુ આ બધું જ જલ્દી ફરીથી સાંભળવા મળી શકે છે. શોના મેકર્સ દયાભાભીની એન્ટ્રી કરાવવાનો મક્કમ નિર્ધાર કરી ચૂક્યા છે. મીડિયા રિપોર્ટ્સનું માનીએ તો, શોના મેકર્સ દિશા વાકાણીને પાછી લાવવા અંગે વિચાર કરી રહ્યા છે. તેઓ દિશા વાકાણી સાથે સંપર્કમાં છે.
હવે કોઈપણ કિંમતે દયાભાભીને શોમાં બતાવવા મેકર્સની પ્રાથમિકતા બની ગઈ છે. જાે દિશા વાકાણી સીરિયલમાં પરત નહીં આવે તો તેના સ્થાને અન્ય અભિનેત્રીને લઈ લેવામાં આવશે. મીડિયા રિપોર્ટનું માનીએ તો, ઓક્ટોબરના અંત અથવા નવેમ્બરની શરૂઆત સુધીમાં શોમાં દયાબેનની એન્ટ્રી થઈ શકે છે. હવે દયાબેનના રોલમાં નવી અભિનેત્રી આવશે કે દિશા વાકાણી તે અંગે કોઈ સ્પષ્ટતા નથી થઈ.
શોના મેકર્સ હજી પણ દિશા વાકાણી પાસેથી અપેક્ષા રાખીને બેઠા છે. તેમને આશા છે કે દિશા પાછી ફરશે. એટલે જ દિશા વાકાણી સાથે વાતચીત ચાલુ છે.
મીડિયા રિપોર્ટમાં સૂત્રોના હવાલેથી ટાંકવામાં આવ્યું છે કે શોના મેકર્સે દયાભાભીને લાવવા માટે લાંબો સમય રાહ જાેઈ છે કારણકે તે દિશા વાકાણીને જ પાછી લાવવા માગતા હતા. મેકર્સની પ્રાથમિકતા દિશા વાકાણી જ છે. ફેન્સને આ વર્ષે નવેમ્બર સુધીમાં દયાભાભી શોમાં જાેવા મળશે.
જાે દિશા વાકાણી પરત આવશે તો ફેન્સને જલસો પડી જશે. હવે જાેવાનું રહેશે કે દિશા વાકાણી દયાભાભી તરીકે પાછી આવે છે કે કોઈ નવો ચહેરો. ઉલ્લેખનીય છે કે, દિશા વાકાણી ૨૦૧૭માં મેટરનિટી લીવ પર ગઈ હતી. ત્યાર પછી તે પાછી આવી નથી.
ઘણીવાર અહેવાલો આવ્યા કે દિશા આવશે પરંતુ મેકર્સ અને તેની વચ્ચે અમુક બાબતોએ એકમત ના સધાતા દિશાની એન્ટ્રી થઈ ના શકી. હવે થોડા મહિના પહેલા જ દિશા ફરીથી મા બની છે એવામાં તે સીરિયલમાં પાછી ફરશે કે કેમ તેના પર પ્રશ્નાર્થ છે.
દિશા વાકાણીના બીજા બાળકના જન્મ પછી ‘તારક મહેતા કા ઉલ્ટા ચશ્મા’ના પ્રોડ્યુસર આસિત કુમાર મોદીએ કહ્યું હતું કે, તેઓ દયાભાભીના રોલ માટે નવી અભિનેત્રી શોધી રહ્યા છે પરંતુ તેમાં સમય લાગશે. ઉલ્લેખનીય છે કે, શૈલેષ લોઢાએ આ સીરિયલ છોડ્યા પછી થોડા દિવસ પહેલા જ એક્ટર સચિન શ્રોફની મહેતા સાહેબના રોલમાં એન્ટ્રી થઈ છે.SS1MS
