અમદાવાદ-હિંમતનગર-ઉદયપુર અને લુણીધર-જેતલસર સેક્શનનું ગેજ કન્વર્ઝન
યુનિ-ગેજ રેલ સિસ્ટમ એ નીતિ માટે પ્રેરણા છે -આ રેલ વિભાગો રાષ્ટ્ર નિર્માણની પ્રક્રિયામાં ઘણું યોગદાન આપશે. -તેનાથી કનેક્ટિવિટી, રોજગારીની તકો, પ્રવાસન અને વ્યાપાર કરવામાં સરળતાની બાબતોમાં મદદ મળશે. અસંખ્ય તકોના દરવાજા ખુલશે
માનનીય વડાપ્રધાન અસારવા રેલ્વે સ્ટેશનથી અસારવા ઉદયપુર એક્સપ્રેસની ઉદઘાટન સેવાને લીલી ઝંડી બતાવીને તથા ઉદયપુર-અસારવા એક્સપ્રેસ, લુણીધાર -જેતલસર અને જેતલસર- લુણીધાર પેસેન્જર ટ્રેનોને વર્ચ્યુઅલ રીતે શરૂ કરશે
ભારતીય રેલ્વેએ દેશના બહુઆયામી વિકાસમાં ઘણું યોગદાન આપ્યું છે. સમગ્ર દેશમાં યુનિ-ગેજ રેલ સિસ્ટમ સ્થાપિત કરવાના હેતુથી, રેલ્વે હાલની નોન-બ્રોડગેજ રેલ્વે લાઈનોને બ્રોડગેજમાં રૂપાંતરિત કરી રહી છે. આ દિશામાં આગળ વધીને પશ્ચિમ રેલવેએ અસારવા-હિંમતનગર-ઉદેપુર અને લુણીધાર -જેતલસર સેક્શનના ગેજ કન્વર્ઝનનું કામ પૂર્ણ કર્યું છે.
ભારતના માનનીય વડાપ્રધાન, શ્રી નરેન્દ્ર મોદી 31 ઓક્ટોબર, 2022 ના રોજ અસારવા ખાતે આયોજિત એક કાર્યક્રમમાં આ રેલ્વે વિભાગોને રાષ્ટ્રને સમર્પિત કરશે.અસારવા-ઉદયપુર એક્સપ્રેસના લોકાર્પણ સાથે, માનનીય વડાપ્રધાન અસારવાર રેલ્વે સ્ટેશનથી ઉદયપુર-અસારવા એક્સપ્રેસ, લુણીધાર-જેતલસર અને જેતલસર-લુણીધાર પેસેન્જર ટ્રેનને પણ લીલી ઝંડી બતાવીને શરૂ કરશે.
રેલ્વે ઘણા મહત્વના માળખાગત અપગ્રેડેશન પ્રોજેક્ટ્સનું અમલીકરણ કરી રહી છે અને તે રીતે રાષ્ટ્ર નિર્માણની પ્રક્રિયામાં મોટા પાયે યોગદાન આપી રહી છે. આ નવા ગેજ રૂપાંતરિત રેલ વિભાગો પેસેન્જર ટ્રાફિક અને માલવાહક બંને ક્ષેત્રો માટે અસંખ્ય તકો ખોલશે અને નજીકના ભવિષ્યમાં ઝડપી પરિવર્તન લાવશે. આ જોડાણ વધારવામાં અને પ્રદેશના સામાજિક-આર્થિક વિકાસના ઉત્થાનમાં યોગદાન આપવા માટે ખૂબ આગળ વધશે.
અમદાવાદ (અસારવા)-હિંમતનગર-ઉદેપુર વિભાગનો પ્રારંભ વિસ્તારના લોકો માટે વરદાન સાબિત થશે299 કિમીનો આ વિભાગ રૂ. 2482.38 કરોડના ખર્ચે પૂર્ણ થયો છે. આ વિભાગના મુખ્ય સ્ટેશનો અમદાવાદ, શામળાજી રોડ, હિંમતનગર, નાંદોલ દહેગામ, ડુંગરપુર, પ્રાંતિજ અને ઉદયપુર છે
આ વિભાગ દેશના બાકીના ભાગો સાથે કનેક્ટિવિટીના સંદર્ભમાં આ વિસ્તારોમાં રહેતા સ્થાનિક લોકો માટે મોટી રાહત હશે. આ પ્રવાસીઓ, વેપારીઓ તેમજ આ વિસ્તારની આસપાસના ઉત્પાદન એકમો અને ઉદ્યોગો માટે ફાયદાકારક રહેશે.
હિમતનગરમાં ટાઇલ અને સિરામિક ઉદ્યોગો આ રેલ પ્રોજેક્ટનો લાભ લઈ શકે છે કારણ કે તેઓ સીમલેસ કનેક્ટિવિટીને કારણે દેશભરના ગ્રાહકો સુધી તેમનો માલ રેલ્વે દ્વારા લઈ જઈ શકે છેઆ રાષ્ટ્રીય રાજધાની (દિલ્હી) તેમજ આર્થિક રાજધાની (મુંબઈ) સાથે વધુ સારી કનેક્ટિવિટી સાથે પ્રદેશમાં ઔદ્યોગિકીકરણમાં મદદ કરશે. તેનાથી વધારાની રોજગારીની તકો ઊભી કરવામાં પણ મદદ મળશે. તે અમદાવાદ અને દિલ્હી માટે ઝડપી, આર્થિક અને પર્યાવરણને અનુકૂળ વૈકલ્પિક માર્ગ હશે.
નવો ગેજ રૂપાંતરિત લુણીધાર -જેતલસર બ્રોડગેજ વિભાગ એ એક વધુ મહત્વપૂર્ણ પ્રોજેક્ટ છે જે સીમલેસ કનેક્ટિવિટી વધારશે. 452 કરોડના ખર્ચે આ 58 કિમી ગેજ કન્વર્ટેડ સેક્શનનું કામ પૂર્ણ કરવામાં આવ્યું છે. લુણીધાર-જેતલસર વિભાગઢસા -જેતલસર ગેજ કન્વર્ઝન પ્રોજેક્ટનો એક ભાગ છે,
જેમાંથી ધસા-લુણીધર વિભાગ (48 કિમી) માનનીય વડાપ્રધાન દ્વારા જૂન, 2022માં રાષ્ટ્રને સમર્પિત કરવામાં આવ્યો હતો. આ પ્રોજેક્ટ પૂર્ણ થતાં હવે તે વેરાવળ અને પોરબંદરથી પીપાવાવ પોર્ટ અને ભાવનગર સુધીનો ટૂંકો માર્ગ પૂરો પાડશે.ઉપરાંત, આ વિભાગે વેરાવળ અને પોરબંદર પ્રદેશમાંથી અમદાવાદ અને દેશના અન્ય ભાગો માટે વૈકલ્પિક માર્ગની સુવિધા આપવામાં આવી છે.
આ ઉપરાંત, પ્રોજેક્ટ ટ્રેનોની અવરજવરને સરળ બનાવશે અને આ વિભાગ પર માલવાહક ક્ષમતામાં વધારો કરશે, આમ વ્યસ્ત કાનાલુસ-રાજકોટ-વિરમગામ રૂટની ભીડ ઓછી થશે.વધુમાં, તે હવે ગીર અભયારણ્ય, સોમનાથ મંદિર, દીવ અને ગિરનાર પર્વતો
(જૈન મંદિરો, ગુરુ દત્તાત્રેય મંદિર અને એશિયામાં બીજા સૌથી લાંબા રોપવે માટે પ્રખ્યાત) સાથે સરળ જોડાણની સુવિધા આપશે.આ વિભાગ ગુજરાત રાજ્યના અમરેલી, રાજકોટ, જૂનાગઢ, ગીર સોમનાથ અને પોરબંદર જિલ્લાના સામાજિક અને આર્થિક વિકાસમાં મહત્વની ભૂમિકા ભજવશે.
માનનીય વડાપ્રધાન અસારવા રેલ્વે સ્ટેશનથી અસારવા-ઉદયપુર એક્સપ્રેસના લોન્ચની સાથે ઉદયપુર-અસારવા એક્સપ્રેસ, લુણીધર-જેતલસર અને જેતલસર-લુણીધર પેસેન્જર ટ્રેનોની ઉદઘાટન સેવાઓનું વર્ચ્યુઅલ રીતે લોકાર્પણ કરશે. લુણીધર-જેતલસર અને જેતલસર-લુણીધર પેસેન્જર ટ્રેનો ભાવનગર અને જેતલસર વચ્ચે તેમની નિયમિત સેવામાં 01 નવેમ્બર, 2022થી અમલમાં આવશે. નવી શરૂ કરાયેલી ટ્રેનો ઉપરાંત હાલની ટ્રેન નંબર 09566/65 ભાવનગર – લુણીધર પેસેન્જર જેતલસર સુધી લંબાવવામાં આવી છે.
આ ટ્રેનો શરૂ થવાથી સ્થાનિક રહેવાસીઓ અને પ્રવાસીઓ, યાત્રાળુઓ અને વેપારી સમુદાયને ઘણો ફાયદો થશે કારણ કે તે દેશના બાકીના ભાગો સાથે અવિરત જોડાણની સુવિધા આપવામાં આવશે.
