વરુણ ધવનને થઈ હતી કાનને લગતી ગંભીર બીમારી
મુંબઈ, કરણ જાેહરની ફિલ્મ સ્ટુડન્ટ ઓફ ધ યર સાથે બોલિવૂડમાં એન્ટ્રી કરનાર અભિનેતા વરુણ ધવન અત્યારે પોતાની અપકમિંગ ફિલ્મ ભેડિયાને પ્રમોટ કરવામાં વ્યસ્ત છે. આ ફિલ્મનો વિષય ઘણો અલગ છે. પ્રમોશન દરમિયાન વરુણ ધવન પોતાના જીવનને લગતી ઘણી રસપ્રદ વાતો પણ કરી રહ્યો છે. તાજેતરમાં જ તેણે એક મંચ પર પોતાની એક બીમારી બાબતે ખુલાસો કર્યો હતો.
વરુણ ધવન Vestibular Hypofunctionનામના એક ડિસઓર્ડરનો શિકાર હતો. આ કાનને લગતી એક બીમારી છે, જેમાં વ્યક્તિને શરીરનું સંતુલન જાળવવામાં તકલીફ પડે છે. મુંબઈમાં એક ઈવેન્ટ દરમિયાન વરુણ ધવને જણાવ્યું કે, જ્યારે તે Vestibular Hypofunction નામની બીમારીનો શિકાર બન્યો, તેણે બ્રેક લેવો પડ્યો હતો.
વરુણે જણાવ્યું કે અન્ય લોકોની જેમ કોરોનાકાળ પછી તેના માટે પણ ઘણી વસ્તુઓ બદલાઈ ગઈ હતી. અભિનેતાએ જણાવ્યું કે, ફિલ્મ જુગ જુગ જિયો માટે મેં પોતાના પર ખૂબ પ્રેશર નાખ્યું. એમ લાગી રહ્યુ હતું કે હું કોઈ ઈલેક્શન લડી રહ્યો છું. મને ખબર નથી કેમ પણ મેં મારા પોતાના પર ખૂબ દબાણ કર્યું. વરુણ ધવને જણાવ્યું કે, તાજેતરમાં જ મેં બ્રેક લીધો છે. મને ખબર નહોતી કે મારી સાથે શું થયું છે.
Vestibular Hypofunction નામની બીમારીનો હું શિકાર બન્યો જેમાં તમે તમારા શરીરનું સંતુલન ગુમાવી દો છો. પણ મેં ધક્કા મારીને કામ કર્યું. આપણે તમામ લોકો જાણે કોઈ રેસ માટે ભાગી રહ્યા છીએ. કોઈ પણ નથી પૂછી રહ્યું કે, આખરે કેમ દોડી રહ્યા છીએ.
આપણે તમામ લોકો અહીં છીએ તેની પાછળ કોઈ મોટો ઉદ્દેશ હશે. હું મારા હોવાનું કારણ જાણવાનો પ્રયત્ન કરી રહ્યો છું. ઉલ્લેખનીય છે કે, Vestibular Hypofunction એક ડિસઓર્ડર છે જેમાં કાન પ્રભાવિત થાય છે અને બેલેન્સ સિસ્ટમ પણ પ્રભાવિત થાય છે.
Vestibular r‚Mx સિસ્ટમ કાનની અંદરના ભાગમાં હોય છે અને આંખ તેમજ મસલ્સની મદદથી સંતુલન જાળવવામાં મદદ કરે છે. જ્યારે આ સિસ્ટમમાં ઉથલપાથલ થાય છે ત્યારે મગજ પર એક એરર મેસેજ પહોંચે છે અને વ્યક્તિને ચક્કર આવતા હોય અથવા તો ગભરામણ થતી હોય તેવો અનુભવ થાય છે. વર્કફ્રંટની વાત કરીએ તો, વરુણ ધવન હવે અમર કૌષિકની ફિલ્મ ભેડિયામાં જાેવા મળશે.
આ ફિલ્મમાં તેની સાથે કૃતિ સેનન અને અભિષેક બેનર્જી મહત્વના રોલમાં જાેવા મળશે. આ સિવાય તે નિતિષ તિવારીની ફિલ્મ બવાલમાં જાહ્નવી કપૂર સાથે જાેવા મળશે. રાજ અને ડિકેના પ્રોજેક્ટ સિટાડેલમાં પણ તે જાેવા મળશે જેમાં તેની સાથે સમંથા રુથ પ્રભુ હશે.SS1MS
