Western Times News

Gujarati News

IPL ઓપનિંગ સેરેમનીમાં બોલિવૂડ કલાકારો ધૂમ મચાવશે

નવી દિલ્હી, ઈન્ડિયન ક્રિકેટ લીગ એટલે કે IPL સિઝન ૧૬ થોડા દિવસો પછી શરૂ થવા જઈ રહી છે. IPL ૨૦૨૩ની પ્રથમ મેચમાં ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઈ સુપર કિંગ્સની ટીમો આમને-સામને થશે. તે જ સમયે IPL ૧૬ના ઉદ્‌ઘાટન સમારોહને ભવ્ય બનાવવા માટે ભારતીય ક્રિકેટ કંટ્રોલ બોર્ડ તરફ વિશેષ તૈયારીઓ કરવામાં આવી રહી છે.

આ દરમિયાન હવે સમાચાર આવી રહ્યા છે કે IPL ૨૦૨૩ની ઓપનિંગ સેરેમનીમાં બોલિવૂડની ઘણી હસ્તીઓ પરફોર્મ કરવા જઈ રહી છે. Bollywood actors will rock the IPL opening ceremony

IPL ઓપનિંગ મેચ પહેલા દર વખતે બોલિવૂડ ફિલ્મ સ્ટાર્સ સ્ટેજ પર પોતાના ડાન્સ પરફોર્મન્સથી બધાને મંત્રમુગ્ધ કરી રહ્યાં છે. આવી સ્થિતિમાં આ વખતે આ સેલેબ્સ IPL ૧૬ની ઓપનિંગ સેરેમનીમાં કેવી રીતે પાછળ રહી શકે? બોલિવૂડ સુપરસ્ટાર કેટરિના કૈફ, ટાઈગર શ્રોફ, સિંગર અરિજિત સિંહ ટૂર્નામેન્ટની ઓપનિંગ સેરેમનીમાં રંગ જમાવશે.

આ સિવાય સાઉથ સિનેમાની સુપરસ્ટાર રશ્મિકા મંદાના અને તમન્ના ભાટિયા પણ તેમને ખૂબ જ સારી રીતે સપોર્ટ કરશે. રિપોર્ટ અનુસાર આ તમામ સેલેબ્સ આ વર્ષની IPL ઓપનિંગ સેરેમનીમાં પોતાનું શાનદાર પરફોર્મન્સ આપીને અમદાવાદના નરેન્દ્ર મોદી ક્રિકેટ સ્ટેડિયમમાં પણ ધૂમ મચાવી દેશે.

આ સમાચાર પછી ચાહકોની ઉત્તેજના ઘણી વધી ગઈ છે અને દરેક લોકો IPL ૧૬ની આતુરતાથી રાહ જાેઈ રહ્યા છે. બોલિવૂડ સેલેબ્સ માત્ર IPL ઓપનિંગ સેરેમની પરફોર્મન્સ સુધી સાથે નથી. તેના બદલે, બે IPL ફ્રેન્ચાઇઝીના માલિકો પણ હિન્દી સિનેમાના બે સુપરસ્ટાર છે.

જેમાં શાહરૂખ ખાનની કોલકાતા નાઈટ રાઈડર્સ અને પ્રીતિ ઝિન્ટાની કિંગ્સ ઈલેવન પંજાબ ટીમ સામેલ છે. આ સાથે ક્રિકેટના શોખીન ઘણા ફિલ્મ કલાકારો પણ સ્ટેડિયમમાંથી મેચ જાેતા જાેવા મળ્યા છે.SS1MS


Read News In Hindi

Read News in English

Copyright © All rights reserved. | Developed by Aneri Developers.